गाउँपालिका केन्द्र जोड्ने छोटो दूरीको कृषि सडक विस्तार हुने
सुबास बस्नेत
दोलखा, पुस २५
जिल्लाको बैतेश्वर गाउँपालिकाभित्रका चार वडालाई पायक पर्ने गरी गाउँपालिका केन्द्र जोड्ने छोटो दूरीको कृषि सडक विस्तार हुने भएको छ । पालिकाभित्रका १, २, ३ र ४ का वडालाई लक्षित गरेर छोटो दूरीको निम्कोटबेसी–पाडु कृषि सडक निर्माणको काम अगाडि बढाइने गाउँपालिकाले जनाएको छ । करिब १ हजार २ सय स्थानीय किसानलाई पायक पर्ने गरी नयाँ कृषि सडक खन्न लागिएको बैतेश्वर गाउँपालिका अध्यक्ष छवि लामाले जानकारी दिए । सडक निर्माणको काम माघको पहिलो साताबाट सुरु हुने लामाले बताए । उनका अनुसार अहिले पालिकाका प्रतिनिधि, प्राविधिक र स्थानीय जग्गाधनीबीच छलफल गरेर सबैलाई पायक पर्ने गरी खेतको बीचबाट सडक सर्भेको काम भइरहेको छ । माघको पहिलो सातादेखि गाउँपालिकाको केन्द्र पाडुडाँडादेखि सडक खन्ने काम सुरु हुने उनले बताए ।
अहिले गाउँपालिकाको केन्द्र पुग्न मिर्गे र गैरीमुदीले करिब आठ किलोमिटर लामो दूरी यात्रा गर्नुपर्छ । निर्माण हुनलागेको कृषि सडक साँढे तीन किलोमिटरको छ । यसअघि स्थानीयले निम्कोट–लप्से–पाडु कृषि सडक निर्माणको माग गरेर गाउँपालिकालाई गत कात्तिक र मंसिर महिनामा दुईपटक निवेदन दिएका थिए । स्थानीयको गुनासो सुनेर गाउँपालिकाले सडक खन्न लाग्ने सम्पूर्ण रकम दिने भएपछि सडक निर्माण हुनलागेको निम्कोटबेसी–पाडु कृषि सडक विस्तार समितिका अध्यक्ष एम कुमार तामाङले जानकारी दिए ।
सडक विस्तार भएपछि चार वडाका दुई हजार स्थानीय कृषकले लाभ लिनेछन् । अहिले वडा नम्बर ३ को पाइलेदेखि खानीखोला नदीसम्म करिब साढे एक किलोमिटर सडक विस्तार भइसकेको छ । बाँकी निर्माण हुने सडक साढे ३ मिटरको लम्बाइ र ६ मिटर चौडाइमा हुने बैतेश्वर गाउँपालिका वडा नम्बर ३ का वडा सदस्य मनिक तामाङले जानकारी दिए ।
क्याटेगोरी : नेपाल
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया