मानवताको लागि सहयोग नेपालको ‘कापी–कलम अभियान’ सुरु, शैक्षिक सामग्री वितरण

काठमाडौं ।
मानवताको लागि सहयोग नेपाल (एचएचएन)ले ‘कापी–कलम’ अभियान सुरु गरेको छ । गैरनाफामूलक संस्था एचएचएनले ‘हाम्रो इच्छा, सबैलाई शिक्षा’ नाराका साथ अभियान सुरु गरेको हो । यो अभियानअन्तर्गत संस्थाले काठमाडौंको झोरमा रहेको झोर महांकाल माध्यमिक विद्यालयमा शैक्षिक सामग्री वितरण गरेको छ । संस्थाले विद्यालयमा आवश्यक पर्ने शैक्षिक सामग्री तथा ईसीडी कक्षाको लागि -याक हस्तातरण गरेको हो । शैक्षिक सामग्री हस्तान्तरण गर्दै संस्थाका अध्यक्ष मुधुसूदन ध्वज खड्काले सहयोग गर्न पाउँदा निकै खुशी भएको बताए । उनले भने, ‘यस विद्यालयलाई सहयोग गर्न पाउँदा संस्थालाई निकै हौसला मिलेको र आगामी दिनहरूमा पनि यस्तो कार्यलाई निरन्तरता दिनेछौँ ।’

यस्तै विद्यालयका सहायक प्रधानध्यापक रमेश कुमार अधिकारीले संस्थाको सहयोगप्रति कृतज्ञता व्यक्त गरे । ‘एचएचएन संस्थाले हाम्रो विद्यालयको ईसीडी कक्षाको पुनर्निर्माणको लागि आवश्यक सामग्री उपलब्ध गराएका छन् । त्यसको लागि म हाम्रो विद्यालय संस्थाप्रति आभारी छु ।’ उनले भने । कापी–कलम अभियानको उद्देश्य आर्थिकरूपमा कमजोर रहेका विद्यार्थीहरूलाई आवश्यक पर्ने शैक्षिक सामग्री वितरण गर्ने रहेको संस्थाका अध्यक्ष खड्काले प्रस्ट पारे । (आर्थिक दैनिकबाट)