काठमाडौं । केन्द्रीय अनुसन्धान ब्युरो (सीआईबी) ले २३ लाख ५० हजार रुपैयाँ जरिवाना ठहर भएका बैंकिङ कसुर मुद्दाका फरार प्रतिवादी विनोद कुमार श्रेष्ठलाई पक्राउ गरेको छ । सीआईबीका प्रवक्ता एवं सूचना अधिकारी प्रहरी उपरीक्षक श्याम कुमार महतोका अनुसार बैंकिङ कसुर मुद्दामा फरार प्रतिवादी श्रेष्ठलाई भक्तपुरको काँडाघारीबाट सोमबार पक्राउ गरिएको हो ।
बाँकेको नेपालगञ्ज उपमहानगरपालिका १ स्थायी घर भएका ५६ वर्षीय श्रेष्ठउपर सात दिन कैद र २३ लाख ५० हजार रुपैयाँ जरिवाना ठहर भएको छ । ब्युरोबाट फैसला कार्यान्वयन तथा फरार प्रतिवादीहरुको खोजतलास एवं पक्राउको लागि परिचालित टोलीले बैंकिङ कसुर (चेक बाउन्स) मुद्दामा उच्च अदालत तुलसीपुर, नेपालगञ्जबाट कसुरदार ठहर भई फरार रहेको अवस्थामा प्रतिवादी श्रेष्ठलाई पक्राउ गरी फैसला कार्यान्वयनको लागि काठमाडौं जिल्ला अदालतमा पेश गरिएको, प्रहरी उपरीक्षक महतोले जानकारी दिए ।
प्रतिवादी श्रेष्ठले आफ्नो खातामा पर्याप्त मौज्दात रकम नभएको भन्ने जानी–जानी जाहेरवालालाई झुक्यानमा पारी नबिल बैंकको चेक काटी दिई बैंकिङ कसुरजन्य अपराध गरेको ठहर गरी उच्च अदालत तुलसीपुर नेपालगञ्जबाट वि.सं. २०७७ फागुन १२ गते प्रतिवादी श्रेष्ठको हकमा बैंकिङ कसुर तथा सजाय ऐन २०६४ बमोजिमको कसुरमा सात दिन कैद र २३ लाख ५० हजार रुपैयाँ जरिवाना तोकिएको थियो ।
क्याटेगोरी : नेपाल
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया