सरकारकै कमजोरीले एक वर्षदेखि थन्किएको रेल गुड्ने छैन
जनकपुरधाम । जनकपुरदेखि जयनगरसम्म चल्ने रेल सेवा आजसम्म सञ्चालनमा आउन नसक्नु रेल्वे कम्पनीको व्यवस्थापकीय कमी कमजोरी नै प्रमुख कारण रहेको छ । पूर्वाधार बनेपछि दुई वर्ष अघिबाट जनकपुर–जयनगर रेल सेवा सञ्चालनमा आइसक्नुपर्ने थियो । तर, रेल्वे कम्पनीले जनशक्ति र प्राविधिक व्यवस्थापनको काममा ढिलाइ गर्दा लक्ष्य पछाडि सरिरहेको हो । जुनकुरा भारतबाट एक वर्षअघि रेल आइपुगे पनि थन्किएकोबाट स्पष्ट भइरहेको छ । भारत सरकारको सहयोगमा जयनगर–जनकपुर ट्र्याक निर्माण भएको झण्डै डेढ वर्षपछि आएको रेल एक वर्षदेखि थन्किएको भए पनि चल्ने छाँटकाँट बन्नसकेको छैन ।
नेपाल सरकारले खरिद गरेको रेलको एक वर्षे वारेन्टी समाप्त भए पनि चल्ने कुनै सुरसार देखिँदैन । किनकि रेल्वे कम्पनीले भर्ना गरेको कर्मचारीलाई समेत अवकाश दिइएको छ । जसले गर्दा रेल सञ्चालन लामो समयसम्म नहुँदा र धनुषावासी निरुत्साहित बन्दै गएका छन् । जनकपुरधामदेखि जयनगरसम्म रेल सञ्चालनका लागि नियुक्त गरिएका एक सय ५१ कर्मचारीलाई नेपाल रेल्वे कम्पनी लिमिटेडले हटाएको छ ।
रेल सञ्चालनमा आउने निश्चित भएपछि रेल्वे कम्पनीका तत्कालीन प्रबन्धक सञ्चालक गुरु भट्टराईले ज्यालादारीमा झण्डै एक सय ५० कर्मचारी नियुक्त गरेका थिए । ती कर्मचारीलाई नवनियुक्त प्रबन्धसञ्चालक निरञ्जन कुमार झाले हटाएका छन् । प्रबन्धसञ्चालक झाले ज्यालादारीका एक सय ५१ जना कर्मचारीलाई हटाएको छ । जनकपुर–जयनगर सञ्चालनमा आउने रेल गत वर्ष असोज २ गते यहाँ आएपछि कुर्थासम्म ट्रायल पनि भएको थियो । महिनौँसम्म भारतको हाजिपुरमा थन्केको रेल २०७६ असोज १ गते साँझ साढे ७ बजे जयनगर स्टेसनमा आइपुगेको थियो ।
दुई इन्जिन समेत आएको रेल पुनः जयनगर स्टेशनमा पु-याएर थन्क्याइएको थियो । किनकि रेल सञ्चालनको मिति तय हुन नसकेकोले त्यहाँ त्रिपालले छोप्ने काम भएको थियो । त्यो त्रिपाल च्यातेर उडाएर लगेको अवस्था छ । तर, रेल कहिलेदेखि सञ्चालनमा आउने हो रेल्वे विभागका अधिकारीहरु समेत अनभिज्ञ छन् ।पहिला–पहिला रेल गत महिनाको विवाहपञ्चमीको अवसरमा सञ्चालन हुने बताइएको थियो । जनकपुरधाम ल्याइएको पाँचवटा बोगीमा एक डब्बा एसीसहितको दुईवटा रेल इन्जिन नेपाल सरकारले ८४ करोड ६५ लाखमा खरिद गरेको हो । रेलको एउटा सेटमा १३ सय यात्रु बोक्ने क्षमता रहेको जनाएको छ ।
क्याटेगोरी : नेपाल
ताजा अपडेट
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
- सांसद हसिना खानद्वारा सपथ ग्रहण
- कांग्रेस सबै जात, धर्म र वर्गको पार्टी हो : सहमहामन्त्री राठोर
- ग्रीन हाइड्रोजन उत्पादनका लागि बुद्धभूमि हाइड्रो र केयूबीच सम्झौता
- घाँस काट्ने क्रममा रुखबाट खसेर मृत्यु
- गत वर्ष सडकमार्गबाट चार लाख पर्यटक मुस्ताङ पुगे
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया