पाँचपोखरी विन्टर ट्रेल हाफ म्याराथनको उपाधि सोलुखुम्बुका सुमन कुलुङलाई
काठमाडौं । चौथो संस्करणको पाँचपोखरी विन्टर ट्रेल हाफ म्याराथनको उपाधि सोलुखुम्बुका सुमन कुलुङ राईले जितेका छन् । उपाधिसँगै उनले नगद ५० हजार रूपैयाँ जितेका हुन् । सिन्धुपाल्चोकको पाँचपोखरी थाङपाल गाउँपालिकाको चार हजार दुई सय मिटर उचाइको पाँचपोखरीमा शनिबार सम्पन्न प्रतियोगितामा कुलुङले निर्धारित दूरी १ घण्टा ५५ मिनेट ५२ सेकेन्डमा पूरा गर्दै पहिलो भएका हुन् ।
यस्तै दोस्रो र तेस्रो आर्मीका गोपाल तामाङ र श्रीकास राई भएका छन् । उनीहरूले क्रमशः दुई घण्टा २९ सेकेन्ड र दुई घण्टा एक मिनेट ४० सेकेन्डमा दौड पूरा गरेका हुन् । उनीहरूले पनि नगद ३० हजार र २० हजार रूपैयाँ हात पारेका छन् । चौथो र पाँचौँ स्थान अर्जुन कुलुङ र तीर्थ तामाङले जितेका छन् । महिलातर्फ धादिङका रसिला तामाङ पहिलो भइन् । उनले दुई घण्टा ४४ मिनेट ४३ सेकेन्डमा दौड पूरा गरिन् । उपाधिसँगै उनले पनि नगद ५० हजार रूपैयाँ जितिन् । यस्तै सिन्धुपाल्चोकका नितु तामाङले निर्धारित दूरी दुई घण्टा ४६ मिनेट २५ सेकेण्डमा दौड पूरा गर्दै दोस्रो स्थान प्राप्त गरिन् ।
तेस्रो, चौथो र पाँचौं स्थान क्रमशः प्युठानका संगिता बुढामगर, आश्मा विश्वकर्मा र निर्मला राईले हात पारे । त्यस्तै सिन्धुपाल्चोकका सहभागितर्फ पुरुषमा सञ्च तामाङ र महिलामा नितु तामाङले पहिलो स्थान हात पारेका छन् भने भेट्रान पुरुषतर्फ गोर्खाका भिमबहादुर गुरुङ र महिलामा राधा श्रेष्ठ पहिलो भएका छन् । प्रतियोगितामा सहभागी खेलाडीको हौसला बढाउनका लागि एसियाली म्याराथनका स्वर्ण विजेता बैकुण्ठ मानन्धरले पनि दौडमा सहभागिता जनाएका थिए ।
जिल्लाको थाङ्पाल गाउँपालिकाको रैथानेश्वरीदेखि २१ किलोमिटरको म्याराथन चार हजार दुई सय मिटर उचाइको पाँचपोखरीसम्म भएको थियो । पर्यटन प्रवर्द्धनका लागि खेलकुद भन्ने मूल नाराका साथ स्वस्थ्य रहन खेलकुद र खेलकुदका माध्यमबाट पाँचपोखरीको पर्यटन प्रबर्द्धन गर्ने उद्देश्यले प्रतियोगिता आयोजना गरिएको बागमती प्रदेश खेलकुद परिषद् सदस्य सचिव सुर्यलाल भन्डारीले बताए ।
पुरुष तथा महिला म्याराथन विजेताहरूले क्रमशः ५० हजार, ३० हजार, २० हजार, १० हजार रूपैयाँका साथ नगद, ट्रफी र प्रमाणपत्र प्राप्त गरेका थिए । जिल्लाकै गौरव बोकेको पर्यटकीयस्थल पाँचपोखरीलाई खेलकुदमार्फत जोडेर पर्यटन प्रवर्द्धन गर्ने उद्देश्यका साथ म्याराथन आयोजना गरिएको गाउँपालिका अध्यक्ष टासि लामाले बताए । म्याराथनलाई आगामी वर्षहरूमा थप स्तरवृद्धि गर्दै अन्तर्राष्ट्रियस्तरको आयोजन गर्ने खेलकुद परिषद्ले जनाएको छ ।
क्याटेगोरी : नेपाल
ताजा अपडेट
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया