जनकपुरका होटेलमा प्रदेश सांसदलाई विशेष छुट
काठमाडौं । जनकपुरमा सञ्चालित होटलहरूले प्रदेश दुईका सांसदहरूलाई विशेष छुट दिने घोषणा गरेका छन् । प्रदेशसभा बैठकमा प्रदेशको राजधानी र नामाकरणसम्बन्धी प्रस्तावमा भाग लिँदै केही सांसदले जनकपुरधाम महँगो रहेको टिप्पणी गरेपछि व्यवसायीहरूले छुटको व्यवस्था गरेका हुन् ।
जनकपुरधामलाई राजधानी बनाउने सम्बन्धमा केही सांसदहरूले नियतवश जनकपुरधामलाई बदनाम गराउन खोजेको भन्दै होटेल एसोसिएसन नेपाल प्रदेश नं. २, होटेल व्यवसायी तथा पर्यटन संघ र जनकपुरधाम उद्योग वाणिज्य संघले संयुक्तरूपमा प्रेस विज्ञप्ति जारी गर्दै जनकपुरधामका विभिन्न होटेलहरूमा सांसदहरूलाई लजिङ (बास)मा २५ प्रतिशत र फुडिङ (खाना)मा १० प्रतिशत छुट दिने घोषणा गरेका हुन् ।
जनकपुरधाम उद्योग वाणिज्य संघका अध्यक्ष जितेन्द्र कुमार महासेठले होल सिताशरण, वेलकम, मानकी, सिटी पार्क, राजदरवार, रामजानकी, अन्नपूर्ण, सीता पैलेस, बृन्दावल, शुभम, राजघराना, होटेल आनन्द, सिटी स्टार, रामा तथा परफेक्ट होटेलमा सांसदहरूले छुट पाउने बताए । आइतबार भएको प्रदेशसभाको बैठका वीरगञ्जका केही प्रदेशसभा सदस्यहरूले जनकपुरधाम महँगो भएको भन्दै प्रदेशको राजधानी वीरगञ्ज बनाउनुपर्ने तर्क गरेपछि यहाँका व्यवसायीले सांसदलाई विशेष अफर घोषणा गरेका हुन् । सोमबार बसेको प्रदेशसभाको बैठकले जनकपुरधामलाई नै राजधानी समेत कायम गरिसकेको छ ।
क्याटेगोरी : नेपाल
ताजा अपडेट
- राहुघाटमा निर्माणाधीन पाँच जलविद्युत् आयोजना अन्तिम चरणमा
- नयाँ वित्तीय साधनका लागि विश्व बैंकलाई ११ अर्ब अमेरिकी डलर कोष प्राप्त
- टिपर दुर्घटनामा एक जनाको मृत्यु, तीन घाइते
- सुनकोसी मरिण डाइभर्सन : सुरुङ खन्न एक सय १० मिटर बाँकी
- सगरमाथा आरोहण उत्साहजनक : आरोहणबाट उठ्यो ५० करोडभन्दा बढी राजस्व
- नीति र नेतृत्वमा एमालेभित्र विवाद छैन : अध्यक्ष ओली
- वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया