अल्का अस्पताल १६ वर्षमा, आईभीएफमा एक हप्तासम्म निःशुल्क ओपीडी
काठमाडौं । ललितपुरको जावलाखेलमा रहेको अल्का अस्पताल मंगलबारदेखि १६ वर्षमा प्रवेश गरेको छ । २०६२ फागुन ३ गतेदेखि अल्का अस्पताल सञ्चालनमा आएको हो । ‘बिरामीहरुको उपचार राख्न हामी ख्याल गर्छौँ’ भन्ने नारासहित कुमार थापाले अल्का अस्पताल सञ्चालन गरेका हुन् । एक सय स्वास्थ्य शय्या रहेको अस्पताललाई मन्त्रालयले १४ वर्षअघि सञ्चालनका लागि अनुमति दिएको थियो ।
अस्पतालका सञ्चालक तथा अध्यक्ष कुमार थापाले अस्पताल १६ वसन्त पार गर्दा निकै खुसी भएको बताए । अध्यक्ष थापाले सेवाग्राहीले अस्पतालप्रति गरेको विश्वासका साथै अस्पतालका चिकित्सक र कर्मचारीहरुको लगावलाई आफूले सधैँ सम्झिरहने बताए ।
अस्पतालकी कार्यकारी निर्देशक विद्या थापा श्रेष्ठले सेवाग्राहीहरुलाई सहज र सरल रुपमा उपचार दिन अस्पतालले अझ सेवा थप र विस्तार गर्न लागेको बताइन् । अस्पतालले केही समयअघि अल्का आईभीएफ सेन्टर र डाइबेटिज सेन्टरको स्तरोन्नति गरेको थियो । अस्पतालले नयाँ प्रविधिहरु राखी बिरामीहरुलाई सेवा दिँदै आइरहेको छ । निर्देशक श्रेष्ठका अनुसार अस्पतालमा सुविधासम्पन्न एनआईसीयु कक्षका साथै टेष्टट्युब बेबी सेवा, प्रसूति तथा महिला रोगसेवा, डाइबेटिज, बालरोग, मुटुरोग तथा यसका सम्पूर्ण परीक्षण पनि हुँदै आएको छ ।
यसका साथै नशासम्बन्धी बाथरोगसम्बन्धी, यौन तथा छाला रोगसम्बन्धी, ग्यास्ट्रोलोजी, रेडियोलोजी, आँखा, नाक, कान, घाँटी, दाँतरोग, युरोलोजिष्ट, कलेजो रोग, एनेस्थेसिया विशेषज्ञहरुबाट अस्पतालले बिरामीहरुलाई दिने सेवामा पनि अल्का अगाडि छ । १६ वर्षमा प्रवेश गरेको उपलक्ष्यमा अस्पतालले यस वर्ष पनि विगतका वर्षहरुझैँ रक्तदानको कार्यक्रम आयोजना गरिएको छ । वार्षिक उत्सवको अवसरमा अल्का अस्पतालले आईभीएफमा यही फागुन ३ गतेदेखि १० गतेसम्म शनिबारबाहेक ओपीडी निःशुल्क गरेको छ । आईभीएफ टेष्टमा २० प्रतिशत छुट तथा आईभीएफ र आईयू आईमा विशेष सहुलियत दिइने अस्पतालले जनाएको छ ।
क्याटेगोरी : नेपाल
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया