महासंघद्वारा रक्तदान कार्यक्रमको आयोजना

काठमाडौं । नेपाल सुनचाँदी व्यवसायी महासंघले आफ्नो स्थापनाको नवौँ वार्षिकोत्सवको अवसरमा रक्तदान कार्यक्रम आयोजना गरेको छ । महासंघले शुक्रबार काठमाडौंको नक्सालस्थित भगवतीबहालमा रक्तदान कार्यक्रम सम्पन्न गरेको हो ।

कार्यक्रमको महासंघका सल्लाहकार समेत रहेका पूर्वमन्त्री एवं प्रतिनिधिसभा सांसद कृष्णगोपाल श्रेष्ठले उद्घाटन गरेका थिए । उनले सुनचाँदी व्यवसायीहरुलाई एकजुट भएर लाग्न पनि सुुझाव दिए । कार्यक्रममा महासंघका अध्यक्ष माणिक रत्न शाक्यले महासंघले रक्तदान कार्यक्रमको आयोजना गरी सामाजिक उत्तरदायित्व वहन गरेको बताए ।

रक्तदान कार्यक्रममा महासंघका पदाधिकारी, सदस्य, उद्यमी व्यवसायी, कर्मचारी र स्वतन्त्र व्यक्तिहरुले समेत सहभागिता जनाएका थिए । महासंघको स्थापना दिवसका अवसरमा सातौँ प्रदेश महासंघ तथा जिल्ला संघहरुले पनि विविध कार्यक्रम गरी स्थापना दिवस मनाएको महासंघले जनाएको छ ।