काठमाडौं । नेपालको पहिलो बिस्कुट तथा कन्फेक्सनरी उत्पादक कम्पनी नेबिको प्रालिले आफ्ना चार उत्पादनहरु बजारमा सार्वजनिक गरेको छ ।कम्पनीले सोमबार विभिन्न चार क्याटेगोरीमा आफ्ना उत्पादनहरु सार्वजनिक गरेको हो । कम्पनीका अनुसार बिस्कुटमा डि–५० डाइजेस्टिभ, कुकिजमा नाइस मिल्क, खाद्यान्नमा कुरुम कुरुम चिउरा र स्न्याक्समा सालटेस पिनट्स बजारमा ल्याएको हो । नेबिकोले आफ्ना उत्पादनहरु आकर्षक देखाउन र उपझोक्तासम्म सुरक्षित पु-याउन प्याकेजिङमा समेत विशेष ध्यान दिँदै आएको छ ।
उपभोक्ताको स्वास्थ्यलाई ध्यानमा राखी कम्पनीले उत्पादनहरु विकास र विस्तार गरेको र थप गुणस्तरमा प्रतिबद्धता समेत जनाउँदै आएको छ । कम्पनीका अनुसार डि–५० डाइजेस्टिभ बिस्कुट १५० ग्रामको मूल्य ५० रुपैयाँ तोकिएको छ । यसले उपभोक्ताको पाचन प्रणालीमा सहजीकरण गर्ने र स्वास्थ्य एवं तागत प्रदान गर्ने कम्पनीको दाबी छ । यस्तै नाइस मिल्क कुकिज दूधको स्वादमा रहेको पौष्टिकयुक्त आहार हो । १८० ग्रामको यो कुकिज आकर्षक प्याकेटमा मात्र ५० रुपैयाँमा उपलब्ध गराइएको छ ।
यस्तै कुरुम कुरुम चिउरा आठ सय ग्रामको तौलमा मात्र ९५ रुपैयाँमा उपलब्ध गराइएको कम्पनीले जनाएको छ । यो एकदमै गुणस्तर र स्वास्थ्यवद्र्धक रहेको समेत कम्पनीको दाबी छ । यसैगरी साल्टेड पिनट्स पनि आकर्षक प्याकेजिङमा युवायुवतीहरुलाई लक्षित गरी बजारमा ल्याएको कम्पनीले जनाएको छ । ३५ ग्रामको प्याकेटमा उपलब्ध सालटेस पिनट्सको मूल्य २० रुपैयाँ तोकिएको छ ।
यस्तै कम्पनीले आगामी दिनमा समेत थप उत्पादनहरु बजारमा ल्याउने तयारी थालेको जनाएको छ । कम्पनीले विगत छ दशकको अवधिमा विभिन्न प्रकारका बिस्कुट, कन्फेक्सनरी, कुकिज, सिरियल्स, खाद्यान्न हुँदै स्न्याक्सलगायतका उत्पादनहरु उपझोक्तामाझ उपलब्ध गराइसकेको छ ।
क्याटेगोरी : नेपाल
ताजा अपडेट
- राष्ट्रपतिद्वारा कतारका अमिरको सम्मानमा रात्रिभोज आयोजना
- राष्ट्रपति पौडेलद्वारा जोशीको रिहाइका लागि पहल गरिदिन कतार अमिरलाई आग्रह
- राष्ट्रपति पौडेल र कतारका अमिर अल थानीबीच भेटवार्ता
- कतारका अमिर नेपालमा, राष्ट्रपति पौडेलबाट स्वागत
- प्रज्ञा स्मृति प्रतिष्ठानको आयोजनामा प्रकाश दाहाल स्मृति भलिबल प्रतियोगिता हुने
- कतारका अमिर शेखको स्वागतमा सांस्कृतिक भेषभूषामा नेपाली
- कतारका अमिरको भ्रमणमा श्रम सम्झौता नवीकरण एउटा मुद्दा, नेपाल के चाहन्छ ?
- मोटरसाइकल दुर्घटनामा धनुषाका पत्रकार यादवको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया