अनाथालयलाई आर्थिक सहयोग जुटाउन अभिनेता जोशीको साइकलयात्रा
काठमाडौं । अभिनेता, निर्माता विक्रम डी जोशीले दुई सय ४० माइल (करिब ३८७ किमी) लामो दूरी साइकलबाटै पूरा गर्ने भएका छन् । ‘ह्याप्पी डेज’, ‘पासवर्ड’ तथा ‘हेल्लो जिन्दगी’ फिल्मका नायक जोशीले धुलिखेलमा हेल्प नेपाल नेटवर्कले सञ्चालन गरेको चिल्ड्रेन्स होम नामक अनाथालयलाई आर्थिक सहयोग जुटाउने उद्देश्यले छ जना नेपाली साथीहरूका साथ आगामी शुक्रबार अर्थात् २० ममा ‘लण्डन टु पेरिस च्यारिटी राइड’ गर्न लागेका हुन् ।
साइकल यात्रा टिममा जोशीसहित सुलभ पन्त, सुशील प्रसाईं, मनोज श्रेष्ठ, प्रसिद्ध प्रधान, सुनील कार्की र लक्ष्मण गुरुङ छन् । उनीहरूले शुक्रबार लण्डनको लण्डन ब्रिजबाट यात्रा सुरु गरेर लगातार तीन दिन साइकिलिङ गर्दै २२ मेमा पेरिसको इफेल टावर पुग्ने लक्ष्य लिएका छन् । ‘हामीहरूको म्यानुअल साइकल (पाइडल घुमाउँदै) मार्फत लण्डनबाट पेरिस पुग्ने प्लान छ’, अभिनेता जोशी भन्छन्, ‘साइकलमा यति लामो दूरी तय गर्ने प्रयास सायद पहिलोचोटी हुँदै छ ।’
उनले यो यात्राका लागि तीन साताअघिदेखि मात्रै तयारी गरेका हुन् । उनका साथीहरूले भने यो यात्राबारे चार वर्षअघिदेखि योजना बनाएका रहेछन् । ‘उहाँहरूले पहिलादेखि नै प्लान बनाएको भए पनि अहिले आएर बल्ल साकार हुन लागेको छ,’ अभिनेता जोशीले भने, ‘यात्राका लागि म करिब तीन सातायता दैनिक चार–पाँच घण्टा साइकल कुदाइरहेको छु ।’ लामो समयदेखि नियमित एक्सरसाइज गर्दै आइरहेकाले छोटो समयको तयारीले पनि आफूलाई पूर्ण सफलता दिने विश्वास उनको छ ।
साइकलयात्राका क्रममा लाग्ने सम्पूर्ण खर्च साइकलयात्रीहरू स्वयम्ले नै व्यहोर्ने टिमको निर्णय छ । लण्डनदेखि पेरिस यात्राको बीचमा पर्ने समुद्रमा भने उनीहरू पानीजहाजमा यात्रा गर्नेछन् । उलवीच अर्सेनल राइडर्स क्लब (डब्लूएआरसी) र नेपाल युथ एसोसिएसन यूकेको आयोजनामा हुने साइकलयात्राबाट आफूहरूले कम्तीमा पाँच हजार पाउन्ड (करिब पौने आठ लाख रूपैयाँ) संकलन गर्ने लक्ष्य लिएको उनले बताए ।
उनले यो अभियान सुरु भएदेखि विभिन्न देशबाट ९८ जनाले करिब तीन हजार पाउण्ड सहयोग गरिसकेको बताउँदै जो–कोहीले पनि जस्ट गिभिङ डटकम नामक अनलाइनमार्फत रकम सहयोग गर्नसक्ने जानकारी दिएका छन् । अनाथ बालबालिकाका लागि विश्वभरबाट साथ, सहयोग र हौसला दिन उनले सबैलाई अनुरोध समेत गरेका छन् ।
क्याटेगोरी : नेपाल
ताजा अपडेट
- कांग्रेस नेता अफताब आलमलाई जन्मकैदको सजाय
- मुख्यमन्त्री कँडेललाई विश्वासको मत
- आगलागीबाट ७९ घर जले, एकको मृत्यु
- उपनिर्वाचनमा सेना परिचालन गर्न स्वीकृति प्रदान
- डेभलपमेण्ट बैंकर्स एशोसिएसन नेपालको प्रमुख कार्यकारी अधिकृतमा डंगोल नियुक्त
- सिटिजन लाइफद्वारा जेन जेड लक्षित कार्यक्रम सञ्चालन
- सय दिनको रोजगारीको लागि १५ हजार बढीको आवेदन
- सूर्य नेपाल काठमाडौं ओपनको दोस्रो दिन दिनेश र भुवन शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया