‘भ्वाइस अफ स्याट सिजन १’को उपाधि प्रिन्सलाई

काठमाडौं । ‘भ्वाइस अफ स्याट सिजन १’को उपाधि प्रिन्स परियारले हासिल गरेका छन् । स्कुल अलाइन्स फर एकेडेमिक टान्सफरमेसन (स्याट)ले आयोजना गरेको भ्वाइस अफ स्याटको पहिलो संस्करणको उपाधि नेसनल अर्किड बोर्डिङ स्कुलका छात्र परियारले हासिल गरेका हुन् ।

मनास्लु वल्र्ड कलेजद्वारा प्रायोजित गायन रियालिटी शोको शनिबार भएको फाइनल प्रतियोगितामा गोल्डेन गार्डेन एकेडेमीका आयुष मगर दोस्रो, साम्तेन मेमोरियल एडुकेस्नल एकेडेमीकी युमी राई तेस्रो, गोल्डेन गार्डेन एकेडेमीका मनिष खड्का चौथो र पिक पोइन्ट एकेडेमीकी रेसिका श्रेष्ठले पाँचौँ स्थान हात पार्न सफल भएका छन् ।

किताबी ज्ञान मात्र नभएर विद्यार्थीका अतिरिक्त क्षमतालाई उजागर गर्न स्याटले विभिन्न कार्यक्रम गरिरहेको भन्दै अध्यक्ष विनय श्रेष्ठले अझै यस्ता कार्यक्रमलाई निरन्तरता दिने बताए ।

गायिका संगिता प्रधान, म्युजिक डाइरेक्टर राजु सिंह र सन्तोष श्रेष्ठले भ्वाइस अफ स्याटको पहिलो संस्करणको निर्णायकको भूमिका निर्वाह गरेका हुन् भने उत्कृष्ट २० को छनोट उमेश राउत र लक्ष्मी पौडेलले गरेका थिए छ सय पाँच प्रतियोगीहरूबाट विभिन्न चरण गर्दै छानिएका २० र वाइल्डकार्डमार्फत भित्रिएका पाँच गरी २५ फाइनलिस्टले भ्वाइस अफ स्याट सिजन १ को ट्रफी प्राप्त गरेका छन् ।