सोलुखुम्बु, चैत ११
कोरोना भाइरसको त्रासका कारण सहरबजार रित्तिएसँगै गाउँबस्तीमा चहलपहल बढेको छ । रोजगार तथा अध्ययनका लागि गाउँघर छोडेका मानिसहरू भाइरसको त्रासले सहर छाडेपछि गाउँघरमा चहलपहल बढेको हो । केही दिनअघिसम्म सुनसान देखिएको सोताङ क्षेत्रमा चहलपहल बाक्लो भएको स्थानीय डिल्लीबहादुर राईले बताए ।
तराई तथा सहरी क्षेत्रमा सम्भावनाको खोजी गर्दै बसाइ सरेकाहरूसमेत गाउँघरमा भेटिन थालेको महाकुलुङ गाउँपालिकाका आसमान कुलुङको भनाइ छ । दशै तथा तिहारजस्ता महान चाडपर्वले समेत गाउँ नफर्काएकाहरूलाई पनि कोरोना भाइरसको त्रासले गाउँ आउन बाध्य बनाएको नेचासल्यान गाउँपालिकाका सुमन बस्नेतको भनाइ छ । गाउँघरमा जनशक्ति नभएपछि कयौँ रोपनी खेतबारी बाँझो भएको भए पनि युवा जनशक्ति गाउँ फर्किसँगै यस वर्ष ती बाँझा खेतबारीमा अन्नबाली लगाउन सकिने बुढापाकाहरूको विश्वास छ ।
कोरनाको कारण विश्वमा आर्थिक क्षेत्रमा उल्लेखनीय गिरावट आउने आँकलन गरिए पनि ग्रामीण क्षेत्रमा यसको प्रभाव न्यून रहेको लिखुपिके गाउँपालिकाका शिवबहादुर बस्नेतको भनाइ छ । खाना पकाउन दाउरा, भान्छामा मकैको च्याख्ला, गाउँमै फलेका तरकारी पाक्ने भएकाले मुख्य बजारमा जस्तो समस्या गाउँमा नहुने थुलुङ दुधकोशी गाउँपालिकाका अम्मरबहादुर विश्वकर्माले बताए । एक हप्ताको अवधिमा सडक मार्गबाट मात्रै करिब पाँच हजार नागरिक सोलुखुम्बु भित्रिएको जिल्ला ट्राफिक प्रहरी कार्यालय सोलुखुम्बुले जनाएको छ । एक हप्ताको अवधिमा जिल्ला भित्रिने मुख्य सडकमार्गबाट चार सय २७ ओटा जिप र ३१ ओटा बसमार्फत चार हजार सात सय ९७ जना सोलुखुम्बु भित्रिएको ट्राफिक प्रहरी नारायणबहादुर बस्नेतले जानकारी दिए ।
सार्वजानिक सवारी साधनको अभिलेख प्रहरीसँग भए पनि निजी सवारी साधनबाट पनि ठूलो संख्यामा यात्रुहरू भित्रिएको प्रहरीको भनाइ छ । जिल्लाबाट बाहिरीनेको संख्या न्यून भए पनि भित्रिनेको संख्या अत्याधिक रहेको यातयात व्यवसायीले बताएका छन् । त्यतिकै संख्यामा हवाई मार्गबाट पनि जिल्ला भित्रिएको नागरिक उड्डयन कार्यालय फाप्लुले जनाएको छ ।
क्याटेगोरी : नेपाल
ताजा अपडेट
- तीन अन्तर्राष्ट्रिय विमानस्थल सञ्चालनको सुझाव दिन गठित समितिले किन दियो निजगढ विमानस्थल बनाउने सुझाव
- के शिक्षामन्त्रीले चाहेर मात्रै दलमा आबद्ध शिक्षकहरूलाई बर्खास्त गर्न सम्भव छ?
- इजरेल र इरानसँग कति हतियार छन्, सैन्य शक्ति कसको बढी छ ?
- एमाले राष्ट्रिय महाधिवेशन प्रतिनिधि परिषद् बैठक
- देशभर पश्चिमी वायु र स्थानीय वायुको आंशिक प्रभाव कायमै
- युएई एसिसी प्रिमियर कपको फाइनलमा, नेपाल छ विकेटले पराजित
- प्रत्येक प्रदेशमा एउटा औद्योगिक क्षेत्र बिस्तारको कार्यक्रम ल्याइने : मन्त्री भण्डारी
- पूर्वमुख्यसचिव शाक्यको राजकीय सम्मानका साथ अन्त्येष्टि
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया