अवरुद्ध भएको नारायणगढ–मुग्लिन सडक एकतर्फी सञ्चालनमा

भरतपुर । नारायणगढ-मुग्लिन सडकखण्ड दुई ठाँउको पहिरो पन्छाएपछि बिहान ९ः३० बजेदेखि सडक एकतर्फी सञ्चालनमा आएको छ । इच्छाकामना गाउँपालिका–६ कालिखोला नजिक मंगलबार बिहान करिब ५ः२० बजेको समयमा माथिबाट लेदोसहितको पहिरो खसेर सडक अवरुद्ध भएको थियो ।

जिल्ला प्रहरी कार्यालय चितवका प्रमुख रामेश्वर कार्कीले दुईतर्फी सडक सञ्चालनका लागि सडक डिभिजन कार्यालयको एक्साभेटर प्रयोग गरेर पहिरो पन्छाउने काम भइरहेको बताए । सडक एकतर्फी सञ्चालनमा आएसगै रोकिएका सवारीसाधन र यात्रुहरु गन्तव्यतर्फ लागेका छन् । यो सडकखण्ड राजधानी काठमाडौँ र पोखरा सहरलाई तराईसँग जोड्ने मुख्य राजमार्ग हो ।