उद्योग सञ्चालक र डिलरको मिलोमतो खाद्य सामग्रीको मूल्य वृद्धि
विराटनगर, वैशाख २१
विराटनगरमा लकडाउनको मौका छोपेर उद्योग सञ्चालक र डिलरवालाहरूले अत्यावश्यक बस्तुहरूको मूल्य वृद्धि गरेका छन् । विराटनगरमा लकडाउनको समयमा पनि कुल क्षमताको ५० प्रतिशत क्षमतामा उद्योगहरू सञ्चालनमा रहेका छन् । यसरी उद्योगहरू निर्वाध रूपमा सञ्चालन भएपनि खाद्य उद्योगहरूले अत्यावश्यक बस्तुको बिक्री वितरणमा लकडाउनको बहाना बनाएर आफ्ना डिलरहरूमार्फत मूल्य वृद्धि गरिरहेका छन् । मोरङ व्यापार संघ र मोरङ उद्योग संगठनका अनुसार लकडाउन सुरु हुनुभन्दा अगाडि सुनसरी मोरङ औद्योगिक क्षेत्रमा भएका उद्योग औसत ७५ देखि ८० प्रतिशत क्षमतामा मात्रै चल्ने गरेका थिए ।
कोभिड–१९ को विषम परिस्थितिमा पनि खाद्य उद्योगहरू औसत ५० प्रतिशत क्षमतामा चलिरहेको एक उद्योगीले बताए । उनका अनुसार सुनसरी मोरङ औद्योगिक क्षेत्रहरूमा रहेका खाद्य उद्योगहरूमा लकडाउनपूर्व पाँच हजार एक सय ९० जना श्रमिक कार्यरत रहेका थिए भने लकडाउनपश्चात् अहिलेसम्म करिब एक हजार छ सय दुई जना श्रमिकले काम गरिरहेको छन् । सुनसरी मोरङ औद्योगिक करिडोरमा सञ्चालनमा रहेका खाद्य उद्योगका उद्योगी र उनीहरूका डिलर नै मूल्य वृद्धि गर्न सक्रिय भएको पाइएको छ ।
प्रदेश १ कै प्रमुख औद्योगिक करिडोर सुनसरी मोरङमा खाद्यान्नसम्बन्धी उद्योगहरू चामल, चिउरा, भुजा, दाल, पिठो र तेल उत्पादनका उद्योगहरू ५० प्रतिशत क्षमतामा चलेको उक्त उद्योगीको दाबी छ । यो उत्पादन क्षमताले ५ महिनाको माग सहजै धान्न सकिने अवस्था हुँदाहुदै उद्योगी र उद्योगीका डिलर मिली मूल्य वृद्धि गर्नु मानवीय धर्मभन्दा बाहिरको भएको उनले बताए । अहिले खाद्य उद्योगबाहेकका उद्योगहरू जस्तैः बिस्कुट, चिया, औषधि, चाउचाउ, स्न्याक नुडल्स उद्योग पनि ५० प्रतिशत क्षमतामा चलेको उनले बताए । पछिल्लो समय लकडाउनको समय करिब डेड महिना हुन लाग्दा केही उद्योगहरूको स्टकमा रहेको कच्चा पदार्थ कम हुँदै आएकोले केही स्थानमा औषधि र खाद्यान्यका उद्योगहरूलाई केही समस्या परेको हुनसक्ने उनको भनाइ छ ।
क्याटेगोरी : समाचार
ताजा अपडेट
- नेपालमा लगानी गर्न प्रधानमन्त्री दाहालको आग्रह
- कति उपलब्धिमुलक रह्यो कतारका अमिरको नेपाल भ्रमण ?
- टेस्लाको सेयरमूल्य १५ महिनायताकै न्यून
- थाइल्याण्डमा सिनेटको निर्वाचन हुने
- चिनियाँ प्रहरीद्वारा विदेशमा फरार व्यक्तिको खोजी सुरु
- चेम्बर सल्लाहकार परिषद्को अध्यक्षमा राजेशकाजी
- एयरपोर्टमा इडुरोम सञ्चालनमा ल्याइने
- टीभीएस आईक्युब इलेक्ट्रिक स्कुटर सार्वजनिक
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया