प्रधानमन्त्री दाहाल र अध्यक्ष ओलीबीच वार्ता

काठमाडौं । मंगलबार सिंहदरबारमा प्रधानमन्त्री पुष्पकमल दाहाल प्रचण्ड र अध्यक्ष केपी ओलीबीच भेटवार्ता भएको छ ।प्रतिपक्षी दल एमालेका अध्यक्ष ओली प्रधानमन्त्रीले बोलाएपछि मंगलबार दिउँसो प्रधानमन्त्री कार्यालय पुगेका थिए । संसदमा छलफलका क्रममा रहेका विधेयकलगायत विषयमा दुई नेताबीच कुराकानी भएको सिंहदरबार स्रोतले जानकारी गराएको छ ।

संयुक्त राष्ट्रसंघ तथा चीन भ्रमणमा प्रधानमन्त्री प्रचण्ड दुई सातापछि जाने कार्यक्रम छ । दुई नेताबीच झन्डै एक घन्टा छलफल भएको प्रधानमन्त्रीको सचिवालयका स्रोतले जनाएको छ ।

क्याटेगोरी : समाचार