देउवाद्वारा मुकुन्द रिजालको निधनप्रति दुःख व्यक्त

काठमाडौँ । पार्टी सभापति शेरबहादुर देउवाले नेपाली कांग्रेस काठमाडौँ जिल्ला निर्वाचन क्षेत्र नं.७ का क्षेत्रीय सभापति एवं काठमाडौँ महानगरपालिका–१६ का वडाध्यक्ष मुकुन्द रिजालको निधनप्रति दुःख व्यक्त गरेका छन् ।

सभापति देउवाले स्वर्गीय रिजालले कांग्रेसको सङ्गठन निर्माण र नेपालको लोकतान्त्रिक आन्दोलनमा पु¥याएको योगदानको स्मरण गर्दै उनीप्रति भावपूर्ण श्रद्धाञ्जली अर्पण गरेका हुन् । साथै दिवङ्गत आत्माको चिरशान्तिको कामनाका साथ पार्टी र आफ्नो तर्फबाट उनले शोक सन्तप्त परिवारजनप्रति गहिरो समवेदना प्रकट गरेका छन् ।

बिहीबार बिहान ७ः३० बजे रिजालको ग्राण्डी अस्पतालमा उपचारका क्रममा निधन भएको पार्टी कार्यालयका मुख्यसचवि कृष्णप्रसाद पौडेलले जारी गरेको विज्ञप्तिमा उल्लेख छ ।

बिहीबार विहान ११ बजेदेखि १२ बजेसम्म उनको पार्थिव शरीरलाई श्रद्धाञ्जलीका लागि राष्ट्रिय सभागृहमा र बिहान १२ः३० देखि १ः३० बजेसम्म पशुपति मन्दिर परिसरमा राखिने छ । अपरान्ह २ः३० बजे रिजालको दाहसंस्कार गरिने कार्यक्रम रहेको कांग्रेसले जनाएको छ ।