विपीको विचार र सिद्धान्तलाई भुल्न हुँदैन : महालक्ष्मी उपाध्याय

काठमाडौं । नेपाली कांग्रेसका संस्थापक नेता विश्वेश्वरप्रसाद कोइरालाको विचारमा न्याय र रुपान्तरण भएको नेपाली कांग्रेस केन्द्रीय सहमहामन्त्री महालक्ष्मी उपाध्याय (डिना)ले बताएकी छन्। उनले विपीका विचार र व्यवहारका प्रभाव युगौँ युगसम्म रहने उल्लेख गर्दै पार्टीले उनका विचार र सिद्धान्तलाई भुल्न नहुने बताइन् ।

‘विभिन्न ऐतिहासिक परिवर्तनसँगै यतिबेला जनताले न्यायको अनुभव गरेका छन्, जनताकै शासन आएको छ, हामीले देखेको भोगेको उल्लेखनीय परिवर्तन दूरदर्शी नेता विपीकै उत्कृष्ट विचारको परिणाम हो”, उनले भनिन्।

विपी जयन्तीका अवसरमा ताप्लेजुङमा आयोजित कार्यक्रमलाई सम्बोधन गर्दै उनले नेपालको राजनीतिक आन्दोलन र ऐतिहासिक परिवर्तनमा विपीको योगदान अतुलनीय रहेको बताइन् । उनकै विचार र व्यवहारले मुलुक र जनताले न्याय प्राप्त गरेको दाबी पनि गरिन्।

कोशी प्रदेशसभा सदस्य खगेनसिं हाङ्गाममाथि प्रहरीद्वारा भएको दुर्व्यवहार र पार्टीका नेता महेन्द्र यादवमाथि भएको आक्रमणप्रति सहमहामन्त्री उपाध्यायले गम्भीर ध्यानाकर्षण भएको बताइन्।