शिक्षण अस्पतालबाट नेम्वाङको पार्थिव शरीर च्यासल ल्याउँदै

काठमाडौं । नेपाली सेनाको टोलीले संविधान सभा अध्यक्ष एवम् नेकपा एमालेका उपाध्यक्ष सुवास नेम्वाङको पार्थिव शरीर त्रिवि शिक्षण अस्पतालबाट नेकपा एमालेको केन्द्रीय कार्यालय च्यासल ल्याउँदै छ । उनीप्रति एमाले केन्द्रीय कार्यालयमा श्रद्धाञ्जली अर्पण गर्ने कार्यक्रम रहेको छ ।

मंगलबार बिहान नेम्वाङको निधन भएको थियो । बालुवाटारस्थित निवासमा गएराति बेहोस भएका नेम्वाङलाई त्रिवि शिक्षण अस्पताल पुर्‍याइएको थियो ।

नेम्वाङलाई राजकीय सम्मानसहित अन्त्येष्टि गर्ने र अन्त्येष्टिको दिन सार्वजनिक बिदा दिने मंगलबार बिहान बसेको मन्त्रिपरिषद्को आकस्मिक बैठकले निर्णय गरेको छ । नेम्वाङको शव व्यवस्थापनको जिम्मा मन्त्रिपरिषद्को निर्णयपछि नेपाली सेनाले लिएको छ ।