नेकपा एमालेद्वारा गाजास्थित अस्पतालमा भएको आक्रमणको भत्सर्ना

काठमाडौं । नेकपा एमालेले इजरायल र प्यालेष्टाइनको हमास समूह विच भइरहेको युद्धका क्रममा गएराति प्यालेस्टाइनको गाजास्थित अस्पतालमा भएको आक्रमणको भर्त्सना गरेको छ । ५०० जना बढी नागरिकको उक्त आक्रमणमा परि मृत्यु भएको अन्तराष्ट्रिय सञ्चार माध्यमले जनाएको छ ।

‘उपचारमा संलग्न चिकित्सक तथा स्वास्थ्यकर्मी, अस्पतालमा उपचार गराइरहेका बिरामी, बिरामीका कुरुवा, आफन्त र अस्पताल परिसरमा शरण लिइरहेका नागरिक मारिएको खबरले हामी स्तब्ध भएका छौं,’ एमाले अध्यक्ष केपी शर्मा ओलीले बुधबार निकालेको विज्ञप्तिमा भनिएको छ ।

क्रूर र अमानवीय आक्रमण तत्काल रोक्न एमालेले द्धन्द्धरत पक्षलाई आग्रह गरेको छ । सिङ्गो अस्पताल भवन नष्ट हुनु र बालबालिकासहित सयौंको सङ्ख्यामा मानिसहरू हताहत भएको विषय जति निन्दा गरे पनि कमी हुने एमालेले जनाएको छ ।