पाल्पामा फेरि भएको जीप दुर्घटनामा आठ जना घाइते, तीनको अवस्था गम्भीर

पाल्पा । पाल्पामा फेरि अर्को जिप दुर्घटना भएको छ । सोमबार दिउँसो तानसेन–७, लामीडाँडामा गुल्मीदेखि बुटवलतर्फ जाँदै गरेको लु १ ज ४१६५ नम्बरको जिप दुर्घटनामा परेको प्रहरीले जनाएको छ । दुर्घटनामा आठ जना घाइते भएका छन् ।

दुर्घटनामा परी गुल्मी जिल्ला रुरु गाउँपालिका थोर्गाका ४५ वर्षीय टोपकला ज्ञवाली, रुपन्देही जिल्ला तिलोत्तमा नगरपालिका–२, का ४५ वर्षीय रेशम गिरी, गुल्मी स्मा गाउँपालिका–४, का ३९ वर्षीय दानबहादुर खत्री गम्भीर घाइते भएका छन् । जिल्ला ट्राफिक प्रहरी कार्यालय पाल्पाका प्रमुख राजकुमार चापागाइले घाइते सबैको तानसेनस्थित लुम्विनी मेडिकल कलेज प्रभासमा उपचार भइरहेको जानकारी दिए । उनले अन्यको अवस्था सामान्य रहेको बताएका छन् । प्रहरीले दसैं तथा चाडपर्वको समयमा अत्यधिक गति र सवारी साधनको चापका कारण दुर्घटना हुने गरेको जनाएको छ ।