उपचारका क्रममा मनाङ एअरका पाइलटको निधन

काठमाडौँ । गत असोज २७ गते शनिबार हेलिकप्टर दुर्घटनामा परी घाइते भएका मनाङ एअरका पाइलट प्रकाशकुमार सेढाइँको उपचारका क्रममा निधन भएको छ । पाइलट सेढाइँको भारतको नेशनल बर्न सेन्टर मुम्बईमा उपचारकै क्रममा बुधबार सोही अस्पतालमा निधन भएको मनाङ एअरका व्यवस्थापक राजु न्यौपानेले जानकारी दिए ।

अस्पतालका अनुसार सेढाइँको मुखको भाग, हातखुट्टालगायत ४५ देखि ५० प्रतिशत शरीर जलेको थियो । मनाङ एअरको हेलिकप्टर नाइन एन–एएनजे सोलुखुम्बुको लोबुचेमा दुर्घटना भएको थियो ।