भारतको आन्ध्र प्रदेशमा रेल दुर्घटना हुँदा ५० जना घाइते, १३ जनाको मृत्यु

काठमाडौँ । भारतको आन्ध्र प्रदेश विजयनगरमा रेल दुर्घटना हुँदा ५० जनाभन्दा बढी घाइते भएका छन् भने कम्तीमा १३ जनाको मृत्यु भएको छ । आइतबार राति विशाखापट्टनम–पालासा यात्रुवाहक रेल र विशाखामट्टनम–रायगढा यात्रुवाहक रेल आपसमा ठोक्किएर दुर्घटना भएको भारतीय सञ्चारमाध्यमले जनाएको छ ।

दुवै रेल एउटै लिकमा हिँडेका कारण दुर्घटना भएको बताइएको छ । घाइतेहरूलाई उपचारका लागि अस्पताल लगिएको र उनीहरुको उद्धार कार्य जारी रहेको रेलमन्त्री अश्विनी वैष्णवले जानकारी दिएका छन् ।