पोखरामा राष्ट्रसङ्घका महासचिव गुटेरेसको स्वागत

गण्डकी । नेपालको औपचारिक भ्रमणमा रहेका संयुक्त राष्ट्रसङ्घका महासचिव एन्टोनियो गुटेरेस सोमबारनेपाली सेनाको विशेष विमानमार्फत पोखरा आइपुगेका छन् ।

उनलाई गण्डकी प्रदेशका मुख्यमन्त्री सुरेन्द्रराज पाण्डे, पोखरा महानगरपालिकाका प्रमुख धनराज आचार्य, गण्डकी प्रदेशका उद्योग, पर्यटन, वन तथा वातावरणमन्त्री दीपेन्द्रबहादुर थापा, गण्डकी प्रदेशका प्रमुख सचिव लक्ष्मीकुमारी बस्नेत, कास्कीका प्रमुख जिल्ला अधिकारी वासुदेव घिमिरे लगायतले स्वागत गरेका छन् ।

पोखरेलीका तर्फबाट विभिन्न जाताजातिका झाँकीमार्फत विमानस्थल परिसरमा गुटेरेसको स्वागत गरिएको थियो । महासचिव गुटेरेस सोमबार पोखरा बस्ने र मङ्गलबार बिहान नेपाली सेनाको हेलिकप्टरबाट अन्नपूर्ण आधार शिविर जाने कार्यक्रम छ ।