प्रधानमन्त्रीद्वारा थवाङ खोलामा निर्मित मोटरेवल पुलको उद्घाटन

थवाङ (रोल्पा) । शुक्रबार दिउँसो सहिद स्मृति राजमार्गको थवाङ खोलामा निर्मित मोटरेवल पुलको उद्घाटन गर्दै प्रधानमन्त्री पुष्पकमल दाहाल ‘प्रचण्ड’ ले गणतन्त्रपछिका पछिल्ला १५ वर्षमा रोल्पाको मुहार परिवर्तन हुँदैगएको बताए ।

गणतान्त्रिक सरकारले गणतन्त्र प्राप्तिको लडाइँमा अग्रणी योगदान गर्ने रोल्पालाई विशेष महत्त्व दिएको उनको भनाइ छ । सो कार्यक्रममा नेकपा (माओवादी केन्द्र) का उपमहासचिव एवं प्रतिनिधि सभा सदस्य वर्षमान पुनलगायतले सम्बोधन गर्नुभएको थियोे।