विभिन्न स्थानमा पाँच जना मृत अवस्थामा फेला

काठमाडौं । विभिन्न स्थानमा गरी पाँच जना मृत अवस्थामा फेला परेको प्रहरीले जनाएको छ । काठमाडौं, बागलुङ, अर्घाखाँची, धनुषा, बैतडीमा गरी आइतबार पाँच जना मृत अवस्थामा फेला परेका हुन् ।

काठमाडौं, बुढानिलकण्ठ नगरपालिका–१२ कपन मुस्कान चोक डेरा गरी बस्ने ओखलढुङ्गा चम्पादेवी गाउँपालिका–१० घर भएका ३४ वर्षीय प्रकाश बुढाथोकीको डेरा कोठामा उनकै भाइ ३२ वर्षीय उमेश बुढाथोकी आइतबार मृत अवस्थामा फेला परेका छन् ।

बागलुङ नगरपालिका–१ रामरेखा बस्ने ३० वर्षीय छितिज राना मगर आफ्नै घरमा आइतबार मृत अवस्थामा फेला परेका छन् ।

अर्घाखाँची, सन्धिखर्क नगरपालिका–१० बारबाने बस्ने ४८ वर्षीया कल्पना जिएम आफ्नै घरमा आइतबार मृत अवस्थामा फेला परेकी छिन् ।

धनुषा, जनकपुर उपमहानगरपालिका–१६ हनुमाननगर टोलस्थित नालामा सोही उपमहानगरपालिका–१८ मौवाही बस्ने ६५ वर्षीय राम बिलाश पासवान आइतबार मृत अवस्थामा फेला परेका छन् ।

बैतडी, दशरथचन्द नगरपालिका–५ कुमाली बस्ने ४५ वर्षीय नरेश जोशी सोही नगरपालिका–५ मुल्याभिटो काठोमा आइतबार मृत अवस्थामा फेला परेका छन् । सबै घटनाका सम्बन्धमा प्रहरीले थप अनुसन्धान गरिरहेको जनाएको छ ।