नेपाली विद्यार्थी जोशीको अवस्था अझै अज्ञात, खोजीकार्य जारी

काठमाडौं । दक्षिण इजरायलको किबुज–अलमिममा हमास समूहले गत अक्टोबर ७ तारिखमा आक्रमण गरी बन्धक बनाएर गाजातर्फ लगेकामध्येमा नेपाली विद्यार्थी विपिन जोशीको अवस्था अझै अज्ञात नै रहेको छ । इजरायलको तेल अबिबस्थित नेपाली दूतावासका अनुसार बन्धक बनाएर गाजातर्फ लगेकामध्येमा जोशी पनि रहेको इजरायल डिफेन्स फोर्सका प्रवक्ताले जनाएका हुन् ।

जोशीको पछिल्लो अवस्थाबारे यकिन गर्न नसकिएको, निज हालसम्म पनि सम्पर्कविहीन नै रहेको र खोजीकार्य जारी रहेको दूतावासले आज जारी गरेको विज्ञप्तिमा उल्लेख गरेको छ ।