दाजुभाईसहित पाँच जना मृत अवस्थामा फेला

काठमाडौं । दाङमा दाजुभाईसहित अन्य ठाउँमा गरी पाँच जना मृत अवस्थामा फेला परेका छन् । प्रहरीका अनुसार धनकुटा, सल्यान, सिन्धुपाल्चोक र दाङमा गरी पाँच जना सोमबार मृत अवस्थामा फेला परेका हुन् ।

दाङ, तुलसीपुर उपमहानगरपालिका–१६ डोक्रेना घर भई सोही उपमहानगरपालिका–६ गाईडर डेरा गरी बस्ने ३४ वर्षीय पुर्णबहादुर बस्नेत र उनकै भाई ३० वर्षीय टेक बहादुर बस्नेत आफ्नै कोठामा सोमबार मृत अवस्थामा फेला परेका छन् ।

धनकुटा, चौबिसे गाउँपालिका–७ सिमडाँडा बस्ने ४९ वर्षीय भीम बहादुर लिम्बु सोही ठाउँस्थित सल्लेरी सामुदायिक बनभित्र खोल्सीमा सोमबार मृत अवस्थामा फेला परेका छन् ।

सल्यान, शारदा नगरपालिका–१ छापडाँडास्थित भुवनेश्वरी सामुदायिक वनमा छत्रेश्वर गाउँपालिका–७ वेताती बस्ने ५८ वर्षीया हरि कुमारी खड्का सोमबार मृत अवस्थामा फेला परेकी छन् ।

सिन्धुपाल्चोक, ईन्द्रावती गाउँपालिका–१२ ढोटार बस्ने २४ वर्षीय सेतीराम माझी सोही ठाउँस्थित ईन्द्रावती खोलामा सोमबार मृत अवस्थामा फेला परेका छन् ।