लुम्बिनी र कोशी प्रदेशमा मत गणना जारी

काठमाडौँ । कोशी र लुम्बिनी प्रदेशमा सम्पन्न राष्ट्रियसभा सदस्य निर्वाचन अन्तर्गत मत गणना जारी छ । कोशी र लुम्बिनी प्रदेशमा ३ बजे मत गणना सकिएपछि सर्वदलीय बैठक बसेर मतगणना सुरु भएको हो । त्यस्तै बागमती, गण्डकी लगायतका प्रदेशमा सर्वदलीय बैठक जारी छ ।

लुम्बिनीमा मतगणनाको प्रारम्भिक नतिजा सार्वजनिक भइसकेको छ । लुम्बिनीको प्रारम्भिक मतगणनामा महिला कोटामा विष्णु कुमारी सापकोटाले २,७५६ मत पाएकी छन् भने तुलसा कुमारी केसी १,५३७ मत पाएकी छन् । त्यस्तै विजयालक्ष्मी सिंह २१२ मत पाउँदा अहिलेसम्म १०६ मतभार बदर भएको छ । त्यस्तै अन्य कोटामा झक्कु सुवेदी २७५६,झपेन्द्र बहादुर घर्ती क्षेत्री १६४३, र बाल गोविन्द चौधरीले २१२ मत पाएका छन् ।