Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारपशुपति क्षेत्र विकास कोषले सरकारी जग्गा हडपेर निर्माण गरिएका भौतिक संरचना हटाउने

पशुपति क्षेत्र विकास कोषले सरकारी जग्गा हडपेर निर्माण गरिएका भौतिक संरचना हटाउने


काठमाडौँ । आराध्यदेव पशुपतिनाथ क्षेत्रमा रहेको सरकारी जग्गा हडपेर निर्माण गरिएका भौतिक संरचना पशुपति क्षेत्र विकास कोषले हटाउने भएको छ ।

पशुपति क्षेत्रको जग्गा हडपेर बनाइएका भौतिक संरचना कोषको यही माघ १६ गते बसेको बोर्ड बैठकले हटाउने निर्णय गरेसँगै अहिले विकास कोषसहित काठमाडौँ महानगरको प्राविधिक टोली जग्गाको सिमाङ्कनसहित खोजी कार्यमा जुटेको हो ।

“शुक्रबारदेखि महानगरको प्राविधिक टोलीको सहयोगमा हामीले जग्गा हडपेर बनाएका व्यक्तिगत घर तथा संरचनाको सीमाङ्कनसहित खोजी कार्य सुरु गरेका छौँ । एकरदुई दिनमा सीमाङ्कन र जग्गा खोजी काम सकेर त्यस्ता संरचनालाई भत्काइने छ ।” कोषका प्रवक्ता रेवतीरवण अधिकारीले भने ।

प्रवक्ता अधिकारीले कामपा–८ गाँचा पोखरीमा तीन रोपनी छ आना एक पैसा, वडा नं ३ भगवानस्थानमा तीन रोपनी आठ आना जग्गा र सिफलस्थित लामा पोखरीमा अधिग्रहण गरी व्यक्तिले भोगचलन गर्दै आएको जानकारी दिए ।

पशुपतिक्षेत्र विकास कोषको जग्गामा बनेका अवैध संरचना खाली गराउन कोषका अध्यक्ष तथा संस्कृति पर्यटन तथा नागरिक उड्डयनमन्त्री सुदन किरातीले विकास कोषसहित महानगरलाई निर्देशन दिएका छन् ।


क्याटेगोरी : समाचार

तपाईको प्रतिक्रिया