Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचारपरिवर्तनकारीको एकताबाट मात्र परिवर्तनका उपलब्धिको रक्षा गर्न सकिन्छ : प्रचण्ड

परिवर्तनकारीको एकताबाट मात्र परिवर्तनका उपलब्धिको रक्षा गर्न सकिन्छ : प्रचण्ड


काठमाडौं । २९औं जनयुद्ध दिवसको अवसर पारेर दाङ र बर्दियाबाट पार्टी प्रवेश गर्नेहरूलाई स्वागत गर्दै प्रधानमन्त्री एवम् नेकपा माओवादी केन्द्रका अध्यक्ष पुष्पकमल दाहाल प्रचण्डले परिवर्तनकारीहरु एकै ठाउँमा गोलबन्द हुनुपर्ने बेला आएको बताएका छन् ।

उनले परिवर्तनकारीहरुको सुदृढ एकताबाट मात्रै परिवर्तनका उपलब्धिको रक्षा र विकास गर्न सकिने बताएका हुन् । विगतमा माओवादी आन्दोलनमा रहेकाहरुबीच संस्थागतरुपमा पनि एकीकरणको पहल भइरहेको उल्लेख गर्दै उनले यो सँगै व्यक्तिगतरुपमा पनि क्रान्तिकारीहरु ध्रुवीकृत भइरहेको बताए ।

सो कार्यक्रममा उनले पार्टी विधान र दस्ताबेजहरूमा पर्यावरण संरक्षणको सवाल र यससम्बन्धी मोर्चालाई व्यवस्थित गरेर लैजाने स्पष्ट पार्दै जनयुद्धबाट स्थापित उपलब्धिलाई संरक्षण गर्ने दायित्व माओवादी नेता कार्यकर्ताकै भएकाले यसमा सबै गम्भीर भएर ध्रवीकरणमा सामेल हुनुपर्नेमा पनि उनले जोड दिए ।

कार्यक्रममा सञ्चार तथा सूचना प्रविधि मन्त्री रेखा शर्मा, नेताहरू हेमराज शर्मा, निर्मल आचार्य, पूर्णा सुवेदी, तिलकराम शर्मा, धनबहादुर मस्की, सुरेश पन्त, शेषुराम भण्डारीआदिको उपस्थिति थियो ।


क्याटेगोरी : समाचार

तपाईको प्रतिक्रिया

ताजा अपडेट