पुँजीगत खर्च बढ्न नसक्दा आवश्यक विकास हुन सकेन : महासचिव पोखरेल

जनकपुरधाम । जनकपुरधाम विमानस्थलमा सञ्चारकर्मीसँय कुरा गर्दै नेपाल कम्युनिष्ट पार्टी (एमाले)का महासचिव शङ्कर पोखरेलले सरकारले पुँजीगत खर्च बढाउन नसक्नु चिन्ताको विषय भएको बताएका छन् । पार्टी कार्यक्रमका लागि शुक्रबार महोत्तरी जानुअघि महासचिव पोखरेलले पुँजीगत खर्च बढ्न नसक्दा आवश्यक विकास हुन नसकेको बताए ।

सुशासनलगायतका विषयमा सरकारको ध्यानाकर्षण गराउँदै उनले भने, “अब राष्ट्रियसभाको अध्यक्षको निर्वाचन आउँदैछ । यस विषयमा एमालेको कुनै चासो छैन । हामी बेथितीविरूद्ध खबरदारी गरिरहन्छौँ ।”