चिनियाँ विदेशीमन्त्री वाङ यी र पराराष्ट्रमन्त्री श्रेष्ठबिच भेटवार्ता

बेइजिङ । विदेशमन्त्री वाङ यीको निम्तोमा एक साताका लागि चीन भ्रमणमा रहेका उपप्रधानमन्त्री तथा पराराष्ट्रमन्त्री नारायणकाजी श्रेष्ठले मंगलबार चिनियाँ विदेशीमन्त्री वाङ यीसँग भेटवार्ता गर्ने कार्यक्रम रहेको छ।

नेपालले सन् २०१७ मेमा बीआरआई परियोजनामा हस्ताक्षर गरेपछि नौ वटा परियोजनामा काम गर्ने प्रस्तावमा छलफल गरे पनि हालसम्म कुनै परियोजना अगाडि नबढेको हुँदा विदेशमन्त्री वाङ यीसँगको भेटमा बीआरआई परियोजना कार्यान्वयनको विषयमा छलफल हुने बताइएको छ ।

यसअघि प्रधानमन्त्री पुष्पकमल दाहालको चीन भ्रमणका क्रममा भएका सम्झौताका बुँदाहरूमा समेत छलफल हुने बेइजिङस्थित नेपाल दूतावासले जनाएको छ ।

चीन र नेपालबिच भएका सहमतिहरूलाई कार्यान्वयन पक्षमा अगाडि बढाउन र नेपालको विकास साझेदारीमा चीनको साथ सहयोग रहने वाङ यीले प्रतिबद्धता जनाएका छन् । वाङ चिनियाँ कम्युनिस्ट पार्टीका सात सदस्यीय स्थायी समितिका पाँचौँ नम्बरका सदस्य हुन् ।