प्रजातन्त्रलाई पुन:बहाली गर्न जोशीले खेलेको भूमिका महत्वपूर्ण छ : नेता सिंह

काठमाडौँ । कांग्रेसका पूर्वकेन्द्रीय सदस्य एवम् पूर्वमन्त्री नवीन्द्रराज जोशीको मंगलबार तेस्रो वार्षिक स्मृति दिवसका अवसरमा नेपाली कांग्रेसका नेता प्रकाशमान सिंहले प्रजातन्त्रलाई संस्थागत गर्नका लागि जोशीको योगदान महत्वपूर्ण रहेको बताएका छन् ।

नेता सिंहले २०१७ सालमा गुमेको प्रजातन्त्रलाई पुनःबहाली गर्नका लागि जोशीले खेलेको भूमिका महत्वपूर्ण रहेको बताए । पार्टी प्रतिबन्धित अवस्थामा रहेका बेला प्रजातन्त्रलाई पुनःबहाली गर्नका लागि नेपाल विद्यार्थी सङ्घमा रहेर जोशीले गरेको योगदान महत्वपूर्ण रहेको बताए ।

नेता सिंहले जोशीले उद्योगमन्त्री भएको बेलामा आफ्नो क्षेत्र र देशको हितमा गरेको काम सदा स्मरणीय रहने उल्लेख गरे । जोशी लौहपुरुष गणेशमान सिंहको सच्चा अनुयायी भएको उनको भनाइ थियो ।