ओमानबाट आज स्वदेश फर्किंदै नेपाली, दोस्रो चार्टर्ड उडान तालिका परिवर्तन
काठमाडौं, असार १
ओमानमा रहेका नेपालीलाई स्वदेश ल्याउने तयारी भइरहँदा दोस्रो हवाई चार्टर्ड उडान तालिकामा परिवर्तन भएको छ । उडान तालिका परिवर्तन भएसँगै ओमानमा रहेका नेपालीहरु असार ४ गते स्वदेश फर्किन पाउने भएका छन् । त्यसैगरी ओमानमा रहेका नेपालीहरुलाई प्राथमिकताको आधारमा पहिलो चरण अर्थात् पहिलोपटक सोमबार स्वदेश फर्किँदै छन् । दूतावासले सलाम एअरमार्फत ओमानमा रहेका नेपालीलाई फर्काइने भएको छ । फर्किन चाहनेले सलाम एअर कलसेन्टर २४२७२२२२ नम्बरमा सम्पर्क गर्नको लागि आग्रह गरिएको छ ।
ओमानस्थित नेपाली दूतावासले सूचना जारी गर्दै हवाइ उडान तीन दिनअघि सारेसँगै ओमानमा रहेका नेपालीहरु केही दिनअघि नै स्वदेश फर्किन पाउने भएका छन् । यसअघि एक सय ८० जना ओमानमा रहेका नेपाली नागरिकलाई असार ७ गते काठमाडौं फर्काउने तयारी गरिएको थियो भने यो दोस्रो उडान हो । दूतावासले के कारणले गर्दा नयाँ उडान मिति तय गरिएको विषयमा भने सूचनामा स्पष्ट पारेको छैन ।
यस्तै स्वदेश फर्किन चाहने नेपालीको नाम सार्वजनिक गर्दै आइतबार कोभिड १९ जाँच गराउन आग्रह गरेको छ भने चेकजाँचका लागि दूतावासले निश्चित स्थानहरु समेत तोकेको छ । त्यसैगरी दूतावासले पीसीआर जाँचमा नेगेटिभ रिपोर्ट आएकाहरु नेपाल आएर क्वारेन्टिनमा नबसी आफ्नो घर जानसक्ने बताएको छ ।
एकतर्फी उडानको भाडा ११५ ओमानी रियाल अर्थात् करिब साढे ३६ हजार २ सय रुपैयाँ तोकेको छ भने जुन पछिल्लो समय सरकारले ओमानको लागि तोकेको भाडाभन्दा सस्तो रहेको छ । ओमानको लागि सरकारले पछिल्लोपटक तीन सय ६८ अमेरिकी डलर तोकेको छ । त्यसैगरी संयुक्त अरब इमिरेट्स (युएई) मा रहेका नेपालीहरु फर्काउनको लागि तय गरिएको चार्टर्ड उडान भने प्राविधिक कारणले गर्दा रद्द हुनपुगेको छ ।
यूएईस्थित नेपाली दूतावासका अनुसार प्राविधिक समस्याका कारण नेपाल एयरलाइन्सका १६ र १८ जुनमा हुने भनिएको दुई चार्टर्ड उडान रद्द गरेको बताइएको छ । यसअघि १६, १८, २० र २३ जुनमा गरी ४ वटा उडानमार्फत यूएईमा रहेका नेपालीहरु स्वदेश फर्काउने तयारी गरिएको थियो । युएईका लागि सरकाले तीन सय ७२ डलर भाडादर कायम गरेको छ ।
क्याटेगोरी : समाचार
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया