काठमाडौं । नेपालका प्रथम राष्ट्रपति डा. रामवरण यादवले शिक्षाको स्तर हेरेर नै नेपाली समाजको अवस्था चित्रण गर्न सकिने बताएका छन् । नेपाली कांग्रेसको पेसागत तथा बुद्धिजीवी विभागले बिहीबार आयोजना गरेको एक कार्यक्रममा उनले शिक्षा क्षेत्रको सुधारका लागि सरकारको नेतृत्व तहबाट काम हुन नसक्दा संविधानमाथि दोष दिने गरिएको उल्लेख गरे ।
‘८० प्रतिशत सामुदायिक विद्यालयहरूमा पर्याप्त शिक्षक छैनन् । ५२ प्रतिशत विद्यार्थी इसईईमा फेल भए । मुख्य–मुख्य शिक्षकहरू नै छैनन् । राहत वा सामुदायिकस्तरमै राखेर जेनतेन अध्ययन गराइएको छ’, उनले भने, ‘यसले नेपाली समाजलाई कहाँ लगिएको छ भन्ने देखाउँछ । संविधानको दोष छैन ।’ शिक्षा विधेयक अहिले संसद्मा रहेको भन्दै उनले यसमा आवश्यक विचार विमर्श गर्न पनि आग्रह गरे । डा. यादवले संविधानमा गणतन्त्र, लोकतन्त्र, समावेशी र संघीयताको व्यवस्था रहेकाले त्यो कार्यान्वयन गर्नुपर्नेमा जोड दिए । यस्तै, उनले ८० प्रतिशत खाद्यान्न ल्याउने अनि समाजवाद खोज्ने परिपाटी गलत भएको बताए ।
कार्यक्रममा सांसद डा. चन्द्र भण्डारीले नेतृत्व सही ढंगको नआएसम्म व्यवस्था परिवर्तन गरेर मात्र समाज परिवर्तन नहुने बताए । उनले जनताले लडेर व्यवस्था परिवर्तन गरेको तर नेतृत्व विवेकशील हुन नसक्दा समाज परिवर्तन नभएको बताए । नेपालका युवाहरू देशमा बस्न नचाहेको भन्दै उनले यो सबै गलत नेतृत्व, स्वार्थी व्यक्तिको छनोटको कारणले भएको बताए । राजनीतिशास्त्री प्रा कृष्ण खनालले राजनीतिक आस्था र आफ्नो पेशा व्यवसायबीच लक्ष्मणरेखा कोर्न आग्रह गरे । ‘बुद्धिजीवी सरकारको निर्देशनमा हिँड्दैन, तर उसको पनि राजनीतिक आस्था हुन्छ’, उनले भने, ‘राजनीतिक आस्था र आफ्नो पेसा व्यवसायबीच लक्ष्मण रेखा कोर्नुपर्छ ।’
कार्यक्रममा कांग्रेसको पेसागत तथा बुद्धिजीवी विभागकी प्रमुख डा. डिला संग्रौलाले आजको समाजवाद भनेको संविधानले व्यवस्था गरेको मौलिक हकमा भएको शिक्षा, स्वास्थ्य र रोजगारीको ग्यारेन्टी हुनुपर्ने भन्ने रहेको बताइन् । ‘किसानले समर्थन मूल्य पाउनु नै समाजवाद हो,’ उनले भनिन् । कांग्रेसको पेसागत तथा बुद्धिजीवी विभागले नेपाल प्रज्ञा प्रतिष्ठानमा स्व प्रदीप गिरीको दोस्रो स्मृति दिवसको अवसरमा ‘नेपालमा प्रजातान्त्रिक समाजवादः वर्तमान र भविष्य’ विषयक छलफल आयोजना गरेको थियो ।
क्याटेगोरी : समाचार
ताजा अपडेट
- साझा प्रकाशनमा १५ दिने विशेष पुस्तक प्रदर्शनी
- क्यान्सर उपचार सेवा विस्तारको सम्झौता
- अमेरिकामा इन्ट्रा कप भलिबल, रुकुम र बेलमण्ट विजयी
- लागुऔषध दुर्व्यसनसँग लड्न एकीकृत ढङ्गबाट अघि बढ्नुपर्ने
- अमेरिकाले बंगलादेशलाई दुई सय मिलियन डलर सहयोग दिने
- फिनल्यान्डमा नाटो उपस्थितिको नेतृत्व गर्न स्विडेन इच्छुक
- अमेरिकामा ट्रम्पमाथि हमला गर्ने प्रयास
- बजारमा आइफोन १६को माग अपेक्षाभन्दा कम
धेरैले पढेको
- सुनचाँदीमा सिन्डिकेट लगाएको भन्दै नेपाल राष्ट्र बैंकविरुद्ध सर्वोच्चको कारण देखाऊ आदेश
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- चिया पसल पनि कम्पनी ?
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- राजेन्द्र विमल र हरिहर शर्मालाई पुरस्कृत गरिने
- एक्सेल डेभलपमेन्ट बैंकको ट्राफिक प्रहरीलाई सहयोग
- इन्फिनिटी लघुवित्तको सातै प्रदेशमा तालिम सम्पन्न
तपाईको प्रतिक्रिया