‘वाग्मती नदी जोगाउन सबै लागौं’

काठमाडौं । उपप्रधान तथा सहरी विकासमन्त्री प्रकाशमान सिंहले वाग्मती नदी सफा राख्न र जोगाउन आफ्नो क्षेत्रबाट लाग्न सबैलाई आग्रह गरेका छन् ।

नेपाल नदी संरक्षण संस्था तथा फ्रेन्ड्स क्लब कुपण्डोलले शनिबार ललितपुरमा संयुक्तरूपमा आयोजना गरेको महाजलजात्राको समापन कार्यक्रममा उनले सहरीकरण तीव्ररूपमा बढेकाले त्यसको असर वाग्मती नदीमा परेको बताए । वाग्मती नदी वर्षात्को समयमा बगे पनि सुक्खा समयमा निकै दुर्गन्धित हुने हुँदा यसको दीर्घकालीन समस्या समाधनको लागि सरकारले प्रयास गरिरहेको उनले बताए । वाग्मती नदी सफा राख्न र वाग्गती जोगाउन विभिन्न समाजसेवी तथा अभियन्ता सधैं सक्रियरूपमा लागेकामा उनले खुसी व्यक्त गरे । वाग्मती सभ्यतालाई जोगाउन र नदी सफा राख्न जुटेका सबै संस्था र अभियन्तासँग सहरी विकास मन्त्रालयले सहकार्य गर्न चाहेका उनले बताए ।

वाग्मती नदीको दुर्गन्धले कति असर गर्छ भन्ने आफूले पनि महसुस गरेको कारण लामो सभ्यता बोकेको वाग्मती नदीलाई दुर्गन्धरहित र हरियाली बनाउन लागिरहेको उनको भनाइ थियो । उनले भने, ‘तीव्र सहरीकरणको कारण वर्षौँदेखि दुर्गन्धित अवस्थामा रहेको वाग्मती नदीको समस्या तत्काल समाधान नभए पनि समस्या समाधानका लागि सरकार लागि परेको छ ।’ ललितपुरको वाग्मती नदी कोरिडोरमा आयोजित वाग्मती नदी महोत्सव (२१औँ शताब्दीको महोत्सव) महाजल जात्रा २४औँ संस्करणमा मैत्री जल विहार, वाग्मती सभ्यता संवादलगायत कार्यक्रम आयोजना गरिएका छन् ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments