रामेछापको दोरम्बा पहिरोमा परी छ जनाको मृत्यु

दोलखा । अविरल वर्षासँगै झरेको पहिरोमा परेर दोलखासँग सीमा जोडिएको रामेछापको दोरम्बा शैलुङ गाउँपालिका–३ मा छ जनाको मृत्यु भएको छ । शनिबार राति गएको पहिरोमा परी सोही वडाका छ जनाको मृत्यु भएको जिल्ला प्रहरी कार्यालय रामेछापले जनाएको छ ।

मृत्यु भएका छ जनाको शव आइतबार दिउँसो पहिरोबाट उद्धार गरी प्रहरीले घटनास्थलै परीक्षण गरी परिवारलाई बुझाएको छ । पहिरोमा परी मृत्यु हुनेमा ३० वर्षीया चण्डिका श्रेष्ठ, उनका १८ महिने छोरा आयुष, ५७ वर्षीया उर्मिला पहरी, ३० वर्षीया सन्दीप पहरी, ११ वर्षीय सन्तोष पहरी र १४ वर्षीय विज्ञान पहरी रहेका छन् । साथै, पहिरोमा परी चार जना बेपत्ता भएका छन् । उनीहरूको खोजी कार्य भइरहेको जिल्ला प्रहरी कार्यालय रामेछापका सूचना अधिकारी कौशल न्यौपाने बताए । पहिरो निकै लामो भएकाले खोजतलासमा समस्या भइरहेको उनले बताए । यस्तै, पहिरोमा परी घाइते भएकाहरूको उपचारका लागि काठमाडौं पठाइएको छ ।

पहिरो खसेको जानकारी पाउनासाथ स्थानीय, प्रहरी र नेपाली सेनाका जवान उद्धार र खोजीमा जुटेका थिए । साथै, पहिरोले तीन वटा घर बगाएको र एउटा घर पुरिएको छ । वडा नं २ र ३ को सिमाना भएर बग्ने अँधेरी खोलको पक्की पुल पनि पहिरोले बगाएको छ ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Inline Feedbacks

View all comments