राजस्व छलीमा आधा दर्जन व्यक्ति तथा कम्पनीविरुद्ध मुुद्दा
काठमाडौं, असार १८
राजस्व छली गरेको अभियोगमा आन्तरिक राजस्व विभागले आधा दर्जन व्यक्तिहरुविरुद्ध मुद्दा दायर गरेको छ । विभागले उपत्यका र उपत्यकाबाहिर भारतीय नागरिकसहित आधा दर्जन व्यक्ति तथा कम्पनीविरुद्ध मुद्दा दायर गरेको हो । विभागले विदेशी मुद्रा अपचलन गरेको अभियोगमा भारतीय नागरिकमाथि मुद्दा दायर गरेको छ । विभागका अनुसार सिलिगुड बजार, दार्जिलिङ्ग भारत बस्ने भारतीय ट्रक चालक रवि कुमार शर्मा तथा मजफरफुर विहार बस्ने पप्पु कुमारले विदेशी विनिमय अपचलन गरेको अभियोगमा एक करोड ७५ लाख बिगो कायम गरी मोरङ जिल्ला अदालतमा गत जेठ २२ गते मुद्दा दायर गरिएको हो ।
सशस्त्र प्रहरी बल नेपाल नं. ९ गुल्म मोरङबाट खटिएको टोलीले चेकजाँचको क्रममा विराटनगर भन्सार कार्यालय, मोरङअन्तर्गतको एकीकृत भन्सार जाँच चौकी विराटनगरको नं. १ गेटमा चेकजाँच गर्ने क्रममा ट्रकमा लैजाँदै गरेको भारतीय रुपैयाँ एक करोड नौ लाख ७९ हजार पाँच सय ३० रुपैयाँ नगद बरामद गरी राजस्व अनुसन्धान कार्यालयमा इटहरीमा बुझाएको थियो ।
उक्त ट्रकको चालक भारतीय नागरिक रवि कुमार शर्मा तथा सहचालक पप्पु कुमारले उक्त रकम ल्याएका स्वीकार गरेकोले उक्त भारतीय रुपैयाँ एक करोड नौ लाख ७९ हजार पाँच सय ३० रुपैयाँ हुुने नेपाली रुपैयाँ एक करोड ७५ लाख ८३ हजार सात सय सत्र पैसा ३० रुपैयाँ बिगो कायम गरी विदेशी विनिमय (नियमित गर्ने) ऐन, २०१९ को दफा १७ (१) बमोजिम जनही बिगो बमोजिमको जरिवाना गरी बिगोको तीन गुणासम्म थप जरिवाना तथा सोही ऐनको दफा १९ (९) बमोजिम तीन वर्षसम्म कैद हुन र अभियुक्तहरुको कसुरसँगै बरामद भएको भारती नम्बरको ट्रक समेत जफत हुने मागदाबी लिई मोरङ जिल्ला अदालतमा मुद्दा दायर गरेको हो । उक्त मुद्दाउपर राजस्व चुहावटको कसुरमा थप अनुसन्धान भइरहेको विभागले जनाएको छ ।
यसैगरी विभागले झूठो तथा नक्कली मूल्य अभिवृद्धि कर बीजक प्रयोग गरी राजस्व चुहावट गरेको अभियोगमा काठमाडौं महानगरपालिका वडा नं. २५ बस्ने न्यू सागर प्लाष्टिक कन्सर्न (स्था.लेखा नं. ५००२०१९८५) का प्रोप्राइटर सञ्जु किजु तथा मुख्य आरोपित व्यक्ति सागर किजुले २६ करोड ८२ लाख तथा सुप्रिम प्लाष्टिक कन्सर्न (स्था.लेखा नं. ३०४५८४२६६) का प्रोप्राईट सागर किजुले राजस्व चुहावट गरेको अभियोगमा पाँच करोड ७७ लाख समेत गरी ३२ करोड ६० लाख रुपैयाँ बिगो असुल एवं कैद मागदाबी लिई असार १७ गते उच्च अदालत पाटनमा मुद्दा दर्ता गरेको छ ।
यसैगरी विभागले झुट्टा तथा नक्कली मू.अ.कर बीजक प्रयोग गरी राजस्व छली गर्ने काठमाडौं महानगरपालिकास्थित बिकोई, स्काई र बंगलामुखी जे.भी. (स्था. ले. नं. ६००८२९४९४)का सञ्चालक साझेदार रोशन कुमार श्रेष्ठ समेतले राजस्व चुहावट गरेको अभियोगमा आठ करोड एक लाख बिगो असुल एवं कैद मागदावी लिई उच्च सरकारी वकिलको कार्यालय ललितपुरमा बुधबार मुुद्दा दायर गरेको जनाएको छ ।
क्याटेगोरी : समाचार
ताजा अपडेट
- पुल अलपत्र बनाउने निर्माण कम्पनी कालोसूचीमा
- इलाम–२ उपनिर्वाचन :रास्वपाबाट लिम्बू उम्मेदवार
- शिक्षाका लागि विद्यालयको पूर्वाधार निर्माण आवश्यक छ : मन्त्री राई
- स्वास्थ्यमन्त्री यादवलाई रास्वपाको २६ बुँदे सुझाव
- हिमालमा हेलिकोप्टरको सहारा
- चार दशमलव ७८ अंकले उक्लियो सेयर बजार
- राष्ट्रियसभाका उपाध्यक्षद्वारा राजीनामा
- पुँजीगत बजेट खर्च नहुने अवस्थाको अन्त्य हुनुपर्छ : प्रधानमन्त्री
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया