Techie
समाचार

एक तोला सुनको मूल्य ९९ हजार

काठमाडौं, साउन १६
कोभिड १९ को महामारीका कारण अन्तर्राष्ट्रिय बजारमा अस्थिर रहेको सुनचाँदीको मूल्य स्थानीय बजारमा निरन्तर उकालो लागि रहेको छ । सुनको मूल्य बिहीबार प्रतितोला ९९ हजार रूपैयाँ पुगेको छ । बुधबार प्रतितोला ९८ हजार पाँच सय रूपैयाँमा कारोबार भएको सुनको मूल्य बिहीबार प्रतितोला पाँच सय रूपैयाँले वृद्धि भएको हो । बिहीबार बजार खुल्नेबित्तिकै छापावाल सुनको मूल्य प्रतितोला ९९ हजार कायम भएको छ भने सोही परिमाणको तेजाबी सुनको मूल्य ९८ हजार पाँच सय ६० रूपैयाँ निर्धारण गरिएको छ ।

नेपाल सुनचाँदी व्यवसायी महासंघका अनुसार बुधबारको तुलनामा बिहीबार चाँदीको मूल्य भने घटेको छ । चाँदीको मूल्य प्रतितोला एक हजार दुई सय २५ रूपैयाँ निर्धारण भएको छ । चाँदीको मूल्य बुधबारभन्दा बिहीबार प्रतितोला २० रूपैयाँले घटेको हो । कोभिड १९ को संक्रमण रोक्न बन्दाबन्दी लागू गरिएयता जेठ २५ गते एक तोला सुनको मूल्य १० हजार चार सय रूपैयाँले बढेर ८७ हजार रूपैयाँ पुगेको थियो । त्यसयता सुनको मूल्य निरन्तर उकालो लागिरहेको छ । अन्तर्राष्ट्रिय बजारमा सुन प्रतिऔँस १९६२।१५ डलर कायम भएको छ । गत आइतबार सोही परिमाणको सुन १९०१।६० मा कारोबार भएको थियो ।

तपाइको प्रतिकृया

यो पनि पढनुहोस