राजस्व अनुसन्धान प्रमुख हाजिर नहुँदा अधिकृतको रजाइँ

विराटनगर । गत भदौ २३ र २४ को जेन–जी आन्दोलनपश्चात कोशी प्रदेशको राजधानी विराटनगरमा राजस्व छली, दोहोरो बिल बीजक जारी, स्टिमेन्ट बिलका भरमा ब्यवसायिक कारोवार बढ्दै गएको छ ।

केही दिन अगाडि अर्थमन्त्रालयले सुजित कुमार सिंहलाई राजस्व अनुसन्धान कार्यालय सुनसरीको प्रमुखमा पठाएको थियो । कार्यालय प्रमुख सुजित कुमार सिंह राजस्व अनुसन्धानमा सरुवा भए पनि अहिलसम्म कार्यालयमा हाजिर भएका छैनन् । इटहरीको अनुसन्धान कार्यालय प्रमुखमा सिंहको पदस्थापन भए पनि उनी हाजिर नहुँदा अनुसन्धान अधिकृतका रुपमा सरुवा भएर जाने अवस्थामा रहेका विदुर गौतममाथि विवादास्पद कार्यशैलीको आरोप लाग्न थालेको छ । बजारमा अराजकता मच्चाउने विराटनगरका केही ब्यवसायीले विभिन्न खाले प्रस्ताव बोकेर राजस्व अनुसन्धान धाउन थलेको रहस्य पनि खुलेको छ । अब कतै राजस्व अनुसन्धान नै विचौलीयादेखि माफियाको प्रभावमा पर्ने हो कि, भन्ने कुराले ब्यवसायी तथा उद्योगिहरूमा त्रास जस्तो देखिन थालेको छ । एक ब्यवसायीले भने, ‘जेनजी आन्दोलनपछि अहिले शासन सञ्चालनमा नै बिचौलिया, तस्कर र माफियाको प्रत्यक्ष र अप्रत्यक्ष भूमिका रहँदै आइरहेको जस्तो देखिन थालेको छ । त्यसले गर्दा यो अवस्थामा नयाँ कार्यालय प्रमुखका रुपमा सिंगको आगमन भए पनि अब राजस्वले गर्ने छापा प्रकरणले माफिया र बिचौलियाको आदेश पालना गर्दै ब्यवसायीलाई राजस्व अनुसन्धानका नाममा कतै उन्मुक्ति दिने काम हुने त हैन भनी सोच्ने बेला आएको छ ।’

जेन–जी आन्दोलनअगाडि पनि पटक–पटक विवादीत बनेको राजस्व अनुसन्धान कार्यालय सुनसरीले अब आफ्ना सबै संयन्त्रलाई बिचौलिया र माफियाको घेराबाट पूर्णरूपमा अलग राखी सुशासन कायम गर्न अग्रसरता लिने बेला आएको उद्योगि तथा ब्यवसायीको भनाइ छ । राजस्व छली नियन्त्रणाका लागि संचालनमा रहेका विभिन्न सरकारी निकायले आपसी समन्वय गर्दै अनियमिततामा रमाउने र बदमासी गर्नेलाई एक–एक गरेर पहिचान गर्दै कानुनी दायरामा ल्याउनु पर्ने प्रमुख दायित्व नयाँ कार्यालय प्रमुखका रुपमा आउँदै गरेका सिंहको छ । सरकारले प्रशासनमा व्याप्त अनियमितता र विकृतिको अन्त्य गर्न प्रशासन क्षेत्रमा समेत निर्मम अप्रेसन गर्न जरुरी रहेको सरोकारवाला बताउँछन् । त्यसका लागि सबैभन्दा पहिला सरकार आफू इमानदार रहेको र सुशासनप्रेमी भएको अनुभूति आम जनता समक्ष दिन सक्ने गरी कार्य प्रणालीको विकास सरकारले गर्नुपर्ने उनीहरूको भनाइ छ । लामो सयमदेखि कायम रहँदै आएको व्यवसायी विचौलीया र इटहरीको सुनसरीमा रहेको राजस्व अनुसन्धानभित्र सँचालन हुने लेनदेनको कनेक्सन अब सिंहको आगमनसँगै राजस्व कार्यालय सुनसरीले सेटिङ्गको बाटो नै सदाका लागि बन्द गरिदिने सन्देश दिन ढिला भइसकेको उनीहरू बताउँछन् ।

तपाईको प्रतिक्रिया

Login

Label

{} [+]

Name*

Email*

Label

{} [+]

Name*

Email*

0 Comments

Oldest

Newest Most Voted

Inline Feedbacks

View all comments