विराटनगर, पुस ११
विराटनगर भन्सारको राजस्व संकलनमा कमी आएको छ । भन्सार कार्यालयले सरकारले दिएको लक्ष्यअनुसारको राजस्व संकलन गर्न नसकेको हो । चालू आर्थिक वर्षको मंसिर मसान्तसम्ममा विराटनगर भन्सारले ६१ प्रतिशत मात्र राजस्व संकलन गरेको जनाएको छ । चालू आर्थिक वर्षको मंसिर महिनासम्ममा २१ अर्ब ७९ करोड ६८ लाख रुपैयाँ राजस्व संकलन गर्ने जिम्मेवारी पाएको विराटनगर भन्सार कार्यालयले जम्मा १३ अर्ब २४ करोड ३५ लाख मात्र राजस्व संकलन गरेको छ । सरकारले विराटनगर भन्सार कार्यालयलाई भन्सार राजस्व, मूल्यअभिवृद्धि कर र अन्तःशुल्क गरी तीन शीर्षकमा राजस्व असुल्ने दायित्व दिएको थियो । अहिले विराटनगर भन्सारलाई तीनवटै शीर्षकको राजस्व लक्ष्यअनुसार संकलन गर्न सकेको छैन ।
विराटनगर भन्सारले चालू आर्थिक वर्षको मंसिर मसान्तसम्ममा भन्सार महसुलतर्फ नौ अर्ब ३० करोड ८० लाख राजस्व असुल गर्ने लक्ष्य पाएको थियो । तर ५ अर्ब ३८ करोड ३८ लाख मात्र राजस्व संकलन गरेको छ । त्यसैगरी मूल्यअभिवृद्घि करतर्फ ११ अर्ब ३८ करोड ६८ लाख असुल्ने लक्ष्य पाएकोमा ६ अर्ब ९१ करोड ८५ लाख मात्र राजस्व असुली गरेको छ । अन्तःशुल्कतर्फ पनि १ अर्ब १० करोड १७ लाखको राजस्व असुली गर्ने जिम्मेवारी पाएको विराटनगर भन्सार कार्यालयले ९४ करोड १० लाख मात्र राजस्व संकलन गरेको छ ।
गत आर्थिक वर्षको सोही अवधिमा विराटनगर भन्सार कार्यालयले सरकारले तोकेको लक्ष्यको तुलनामा १ सय २ प्रतिशतले प्रगति गरी राजस्व संकलन गरेको थियो । अर्थात् गत वर्षको पाँच महिनामा १६ अर्ब १६ करोड २१ लाखको लक्ष्य राखेकोमा भन्सार कार्यालयले १६ अर्ब ४० करोड ५२ लाख राजस्व संकलन गरी लक्ष्यभन्दा एक सय दुई प्रतिशत वृद्धि गरी राजस्व संकलन गरेको थियो ।
विराटनगर भन्सारमा पछिल्लो समय प्रमुखका रुपमा शिव भण्डारी रहेका छन् । उनको कार्यसम्पादनलाई लिएर पनि राजस्व संकलन घटेको आरोप लाग्ने गरेको छ । तर पछिल्लो समय मिरगञ्ज पुलमा भएको अवरोधले नेपाल भन्सार याडमा आइसकेका मालवाहक कन्टेनरहरु एक हप्तादेखि भन्सार याडमा नै थन्किएका छन् । यसले गर्दा पनि राजस्व संकलनमा अवरोध भएको छ ।
क्याटेगोरी : समाचार
ताजा अपडेट
- लुम्बिनी प्रदेशमा सरकार विस्तार
- तातोपानी भन्सारमा नौ महिनामा लक्ष्यभन्दा बढी राजस्व सङ्कलन
- मधेश सरकारद्वारा मन्त्रिपरिषद् विस्तार
- राष्ट्रपतिद्वारा अन्जान शाक्य राष्ट्रिय सभा सदस्यमा मनोनीत
- पर्यटकको बसाइ लम्ब्याउन नयाँ गन्तव्यको खोजी
- अर्थतन्त्रमा देखिएको शिथिलतामा सुधार आउन थालेको छ: मन्त्री भण्डारी
- पाठ्यक्रम विकास केन्द्रले स्वीकृत नगरेका पाठ्यपुस्तक प्रयोग भए कारबाही गरिने
- कपिलेश्वरमा जलिरहेको अवस्थामा युवतीको शव फेला
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया