काठमाडौं ।
नेपालमा बुधबारसम्मको पछिल्लो २४ घण्टामा २ हजार ६ सय ३८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार उक्त समयमा गरिएको जम्मा १३ हजार ९ सय ४७ आरटी पीसीआर परीक्षणमा महिला ९ सय ४० र पुरुष १ हजार ६ सय ९८ जना थप संक्रमित फेला परेका हुन् ।
मन्त्रालयका प्रवक्ता प्राडा जागेश्वर गौतमका अनुसार सरकारी ४१ र निजी २१ गरी कुल ६२ प्रयोगशालमा उक्त नमूना परीक्षण गरिएको थियो । नेपालमा बुधबारसम्म १२ लाख २१ हजार ३८ जनाको आरटी पीसीआर परीक्षण गरिएको छ । हालसम्म १ लाख १७ हजार ९ सय ९६ जनामा कोरोना संक्रमण पुष्टि भइसकेको छ । त्यस्तै पछिल्लो २४ घण्टामा २ हजार १ सय ७४ जना निको समेत भएका छन् । बुधबारसम्म ८० हजार ९ सय ५४ जना निको भएका हुन् भने निको हुने दर ६८.६ प्रतिशत रहेको गौतमले बताए । त्यस्तै १२ जनाको मृत्यु भएको छ । योसँगै कुल मृत्यु हुने संख्या ६ सय ७५ पुगेको छ ।
यसैबीच, नेपालमा संक्रमितमध्ये ७० प्रतिशत पुरुष रहेको मन्त्रालयले जनाएको छ । कुल संक्रमितमध्ये ८२ हजार १ सय ७४ जना पुरुष अर्थात् ७० प्रतिशत र ३५ हजार ८ सय २२ जना महिला अर्थात् ३० प्रतिशत रहेका छन् । पछिल्लो २४ घण्टामा प्रदेश १ मा ४ सय ८५, प्रदेश २ मा १ सय ६७, वाग्मती प्रदेशमा १ हजार ५ सय ९४, गण्डकीमा १ सय ७९, लुम्बिनीमा १ सय १३, कर्णालीमा २५ र सुदूरपश्चिम प्रदेशमा ७५ जना नयाँ संक्रमित थपिएका छन् ।
काठमाडौं उपत्यकामा मात्रै गत २४ घण्टामा १ हजार ४ सय ३ जना नयाँ संक्रमित भेटिएको मन्त्रालयका प्रवक्ता गौतमले जानकारी दिए । काठमाडौं उपत्यकाअन्तर्गत काठमाडौं मात्रै १६ हजार ५ सय ८७ सक्रिय संक्रमित रहेका छन् भने १ सय ४७ जनाको मृत्यु भइसकेको छ । त्यस्तै भक्तपुरमा १ हजार ३ सय ६० सक्रिय संक्रमित छन् भने ३१ जनाको मृत्यु भइसकेको छ । ललितपुरमा २ हजार ७ सय २९ सक्रिय संक्रमित रहेका छन् भने ४२ जनाको मृत्यु भइसकेको छ ।
क्याटेगोरी : समाचार
ताजा अपडेट
- सम्मेलनमा अस्थिरताको सन्देश नजाओस् !
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
- नेपाल–चीन सहायता परियोजनाको पहिलो बैठक सम्पन्न
- ओहोदाको प्रमाणपत्र प्रस्तुत
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया