वैदेशिक रोजगारी ठगी न्यूनीकरण गर्न विभागको दुई उपाय
काठमाडौं, पुस १४
वैदेशिक रोजगार विभागले अंग्रेजी नयाँ वर्षदेखि कामदार छनौट प्रक्रिया अनलाइनबाट गर्ने भएको छ । उसले ठगी न्यूनीकरणको लागि अनलाइनबाट कामदार छनौट तथा आवश्यक कामदारबारे जानकारी राख्न लागेको बताएको छ । विभागका निर्देशक भोलानाथ गुरागाईंका अनुसार कामदार छनौट तथा श्रम स्वीकृतिको विषयमा अनलाइनबाटै जानकारी लिन सुरु गरिनेछ । ‘यसका लागि हामी अंग्रेजी नयाँ वर्ष अर्थात् जनवरी १ देखि अनलाइनको परीक्षण गर्नेछौं र त्यसको केही समयपछि यसलाई निरन्तरता दिने छौं’, उनले भने ।
अनलाइन प्रविधिलाई एम्बेस्सी अटेन्सन अर्थात् दूतावास ध्यानाकर्षण मोडल र कामदार छनौट मोडल दिएको छ । दूतावास ध्यानाकर्षण मोडलअन्तर्गत विदेशमा रहेका नेपाली दूतावासले मागपत्र प्रमाणित गरेपछि सो फाइल अर्थात् इलोक्ट्रोनिक कपी सिस्टममा अपलोड गर्नेछन् । विदेशमा रहेका नेपाली दूतावासले मागपत्र प्रमाणित गरेको विषय सिस्टममा अपलोड गरेसँगै सो विषय विभागलाई थाहा हुनेछ । ‘यसका लागि हामीले दूतावाससँग छलफल गरी अघि बढेका हौं’, उनले भने, ‘यी सबै प्रक्रिया अनलाइनबाटै हुन्छ । अनलाइनबाट हुँदा छिटो छरितो र सहज हुन्छ ।’
यता मेनपावरले पनि कामदार छनौट तथा विज्ञापन गर्दा विभागबाट पूर्वस्वीकृति लिनु आवश्यक छ । मेनपावरले गरेको विज्ञापन विभागको साइडमा समेत अपलोड गरिने निर्देशक गुरागाईंले बताए । जसले गर्दा वैदेशिक रोजगारीको नाममा भएको ठगी न्यूनीकरण गर्न सहज हुने विभागको भनाइ छ । कामदार छनौटको क्रममा हुने अन्तर्वार्ता, स्वास्थ्य परीक्षणलगायतका विषयमा मेनपावरले सिस्टममार्फत नै विभागलाई जानकारी गराँउछ । यसले मेनपावर व्यवसायी तथा व्यक्तिहरु विभागसम्म आउन नपर्नुको साथै कागजात बोक्ने झन्झटबाट मुक्त हुने उनले बताए । यसबाट मेनपावर व्यवसायी विभाग आइरहनुपर्ने अवस्थाबाट मुक्त हुनेछन् ।
विमागले कामदार छनौट भए/नभएको विषयमा कामदारलाई सन्देश पठाई जानकारी प्रदान गर्ने जनाएको छ । ‘हामीले मोबाइल वा इमेलमार्फत कामदारलाई छनौट भए/नभएको विषयमा जानकारी पठाउछौं’, उनले भने, ‘यसबाट युवाहरु छनौट भए/नभएको जानकारी प्राप्त सोहीअनुसार आवश्यक तयारी गर्न सक्नेछन् ।’
छनौट नभएका कामदारको हकमा भने मेनपावरले भिसा प्रोसिसङको लागि भर्पाइसहित पासपोर्ट फिर्ता गर्नुपर्ने हुन्छ । वैदेशिक रोजगारीलाई व्यवस्थित गर्न तथा यस क्षेत्रमा भएको विकृति विसंगतिलाई कमी दिने प्रविधिमैत्री उपायहरु अपनाउन लागेको विभागले जनाएको छ । विभागले पछिल्लो समय विदेशमा आवश्यक कामदारको विषयमा समेत सिस्टमबाट जानकारी दिने गरेको छ । कुन–कुन मुलुकका के–कस्ता कामको लागि डिमान्ड आएको छ सो विषय विभागको वेबसाइटमा हेर्न सकिनेछ ।
क्याटेगोरी : समाचार
ताजा अपडेट
- बाह्र वर्षमै एसइई परीक्षा दिँदै पर्वतका एक छात्र
- कांग्रेस पुन: सरकारमा जान्छ : महामन्त्री थापा
- मिटर ब्याजका पाँच मुद्दामा मिलापत्र
- पेस्तोलसहित कपनबाट एकजना पक्राउ
- सहकारीमा गरेको बचत सुनिश्चित गर्न माग
- बाँकेमा बालविवाह न्यूनीकरण चुनौतीपूर्ण
- निर्माण व्यवसायीले सम्झौताबमोजिम काम नगर्दा योजनाका काम समयमै सम्पन्न भएन : प्रधानमन्त्री
- जलस्रोतमा सबैभन्दा बढी जलवायु परिवर्तनको असर परेको छ : मन्त्री बस्नेत
धेरैले पढेको
- समसामयिक राजनीतिक व्यङ्ग्य
- ढोरपाटन जोड्ने सडक कालोपत्रे गरिँदै
- एक्सेल डेभलपमेन्ट बैंकको ट्राफिक प्रहरीलाई सहयोग
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- इन्फिनिटी लघुवित्तको सातै प्रदेशमा तालिम सम्पन्न
- चिया पसल पनि कम्पनी ?
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
- नेपाली अमेरिका कलाकार सङ्घमा बसन्ती राई
तपाईको प्रतिक्रिया