Techie IT
×
गृहपृष्ठसमाचार१,३८२ सङ्क्रमित थपिए

१,३८२ सङ्क्रमित थपिए


काठमाडौं ।
थप एक हजार ३ सय ८२ जनामा कोरोना भाइरस सङ्क्रमण पुष्टि भएको छ । योसँगै नेपालमा कोरोना भाइरसबाट सङ्क्रमितको सङ्ख्या दुई लाख ४३ हजार ३ सय ७७ पुगेको छ । पछिल्लो २४ घण्टामा आठ हजार ९ सय ४७ जनाको पीसीआर परीक्षण गरिएको थियो । हालसम्म १७ लाख ९९ हजार ६ सय ८६ को पीसीआर परीक्षण गरिएको छ ।

स्वास्थ्य तथा जनसङ्ख्या मन्त्रालयका अनुसार हालसम्म दुई लाख २९ हजार ५४ जना कोरोना भाइरस सङ्क्रमण मुक्त भई घर फर्किएका छन् । पछिल्लो २४ घण्टामा देशभर एक हजार ६ सय २१ सङ्क्रमित निको भएर घर फर्किएका हुन् । हाल देशभर १२ हजार ६ सय ८६ सक्रिय सङ्क्रमित छन् ।

काठमाडौं उपत्यकामा ५९४ थपिए : काठमाडौँ उत्यकामा थप ५ सय ९४ कोरोना सङ्क्रमित थपिएको मन्त्रालयले जनाएको छ । सङ्क्रमित हुनेमा ३ सय ३१ पुरुष र २ सय ६३ महिला छन् । योसँगै उपत्यकामा सङ्क्रमितको सङ्ख्या एक लाख १३ हजार ४ सय ९८ पुगेको छ । आज थपिएका सङ्क्रमितमध्ये काठमाडौँका ४ सय १३, ललितपुरका १ सय १३ तथा भक्तपुरका ६९ रहेका छन् । उनीहरूको उपत्यकाका विभिन्न प्रयोगशालामा परीक्षण गरिएको थियो ।

थप २३ को मृत्यु : नेपालमा कोरोना भाइरसको सङ्क्रमणबाट थप २३ जनाको मृत्यु भएको छ । योसँगै नेपालमा कोरोना भाइरसको सङ्क्रमणबाट मर्नेको सङ्ख्या एक हजार ६ सय ३७ पुगेको मन्त्रालयले जनाएको छ ।



तपाईको प्रतिक्रिया