जनकपुरधाम विमानस्थलको नयाँ टर्मिनल भवन सञ्चालनमा
जनकपुरधाम ।
जनकपुरधाम विमानस्थलको नयाँ टर्मिनल भवन मंगलबारदेखि सञ्चालनमा आएको छ । निर्माणकार्य सुरु भएको ८ वर्षपछि नयाँ टर्मिनल भवनको निर्माण सकिएको हो । नयाँ भवनको संस्कृति, पर्यटन तथा नागरिक उड्डयन मन्त्री योगेश भट्टराईले मंगलबार एक कार्यक्रमका बीच उद्घाटन गरे ।
वि.सं. २०६९ कात्तिकमा १८ करोडको लागतमा निर्माण गर्न तत्कालीन पर्यटन तथा नागरिक उड्डयनमन्त्री पोष्टबहादुर बोगटीले टर्मिनल भवनको शिलान्यास गरेका थिए । डेढ वर्षभित्र निर्माण कार्य सम्पन्न गर्ने गरी निर्माणका लागि पप्पु एण्ड एनके कन्स्ट्रक्सन तथा नेपाल नागरिक उड्डयन प्राधिकरणबीच वि.सं. २०६९ असोज १५ मा सम्झौता भएको थियो ।
प्राविधिक समस्या, रकम अभावलगायतका कारण टर्मिनल भवन निर्माण कार्य पटक–पटक लम्बिँदै आएको थियो । ८ वर्षपछि कुल ४५ करोडको लागतमा नयाँ टर्मिनल भवनको निर्माणकार्य सम्पन्न भएको हो । नयाँ टर्मिनल भवनको प्रस्थान कक्षमा २ सय ५० यात्रु बस्नसक्ने व्यवस्था मिलाइएको छ ।
जनकपुरधाम विमानस्थलबाट अहिले दैनिक तीनवटा निजी विमान कम्पनीले सेवा दिँदै आएको छ । बुद्ध एयरले दैनिक तीन, यति एयरले दैनिक दुई र श्री एयरलाइन्सले दैनिक एक पटक जनकपुरधाम–काठमाडौं उडान गर्दै आइरहेको छ । आधुनिक टर्मिनल भवनमा १ सय ५० मोटरसाइकल, ८० वटा कार तथा जीप पार्क गर्नसक्ने क्षमताको पार्किङ स्थल बनाइएको छ । त्यस्तै टर्मिनल भवनमा अलग्गै स्तनपान कक्ष र धूमपान कक्ष समेत बनाइएको छ ।
क्याटेगोरी : समाचार
ताजा अपडेट
- क्रेस्ट माइक्रो लाइफका अध्यक्ष मोरको सपथ
- नेपाली चियामा बारम्बार भारतीय अवरोध
- सम्मेलनमा अस्थिरताको सन्देश नजाओस् !
- राजनीतिले लगानीकर्तामाझ उत्साह भर्न सक्नपर्छः राष्ट्रपति
- जङ्गलभरि आगलागी : बासस्थान खोज्दै गाउँ झरे वन्यजन्तु
- दलका कार्यसमितिको विवरण उपलब्ध गराइदिन निर्वाचन आयोगलाई शिक्षा मन्त्रालयको अनुरोध
- सोह्रौँ योजनाले एकीकृत पूर्वाधार र सूचना प्रविधिको बिस्तारमा जोड दिएको छः प्रधानमन्त्री
- बसको ठक्करबाट तीर्थयात्रीको मृत्यु
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया