Techie IT
×
गृहपृष्ठbreaking८० किमि लामो मुक्तिनाथ केबलकारसहित चार ठूला आयोजना अगाडि बढ्दै

८० किमि लामो मुक्तिनाथ केबलकारसहित चार ठूला आयोजना अगाडि बढ्दै


काठमाडौं ।
मुक्तिनाथ जाने ८० दशमलव १६ किलोमिटर लामो केबलकारलगायतका चार ठूला परियोजना अगाडि बढ्ने भएको छ । ती परियोजनाको लगानी बोर्डले सहजीकरण गरिरहेको छ । ती चारवटा ठूला पूर्वाधार परियोजनाको विस्तृत अध्ययन प्रतिवेदन बोर्डमा मंगलबार पेश गरिएको छ । बोर्डका प्रवक्ता सहसचिव धमेन्द्रकमार मिश्रले जारी गरेको विज्ञप्तिअनुसार त्यस्तो प्रतिवेदन पेश गर्नेमध्ये वीरगञ्ज र भैरहवामा निर्माण हुने प्राइभेट फेरिट टर्मिनल एउण्ड बल्क ह्यान्डलिङ फ्यासिलिटिज परियोजनाको विकासकर्ता कम्पनीले विस्तृत सम्भाव्यता अध्ययन प्रतिवेदन पेश गरेको हो । उक्त प्रतिवेदनका लागि बोर्डको कार्यालय र विकासकर्ता कम्पनीबीच २०७६ मंसिर १५ मा समझदारीपत्रमा हस्ताक्षर भएको थियो ।

यसैगरी विराटनगरमा निर्माण हुने मल्टीमोडल लजिस्टिक पार्क परियोजनाको विकासकर्ता कम्पनी सिजी लजिस्टिक प्रालि र सरार्फ समूहले समेत मंगलबार उक्त परियोजनाको पनि विस्तृत सम्भाव्यता अध्ययन प्रतिवेदन पेश गरिएको छ । बोर्डको कार्यालय र उक्त विकासकर्ता कम्पनीबीच २०७६ असार २ गते उक्त प्रतिवेदन तयार गर्नका लागि समझदारीपत्रमा हस्ताक्षर गरिएको थियो ।

यस्तै, चाइना नेपाल फ्रेडसिप इन्ड्रिस्टिज पार्क परियोजनाको विकासकर्ता कम्पनीको तर्फबाट दमक क्लिन इन्ड्रिस्टिज पार्कले पनि यही मंसिर २९ मा बोर्डमा प्रतिवेदन पेश गरेको छ । बोर्डको २०७६ साउन १७ गते बसेको बोर्डको ३९औँ बैठकले उक्त परियोजना निर्माणको लागि ५८.६१ अमेरिकी डलर बराबरको लगानी स्वीकृत गरेको थियो । उक्त परियोजना चिनियाँ कम्पनी जेपीजसीसीपीडी र दमक क्लिन इन्डस्ट्रिज पार्कको संयुक्त लगानीमा झापाको दमकका निर्माण हुनलागेको छ ।

केबलकर भने बिरेठाँटी मुक्तिनाथ केबलकार निर्माणको लागि विकासकर्ता कम्पनी मुक्तिनाथ दर्शन प्रालिले २०७७ मंसिर १४ मा बोर्डसमक्ष विस्तृत परियोजना प्रतिवेदन (डीपीआर) पेश गरेको छ । कुल ८०.१६ किलोमिटर लामो प्रस्तावित केबलकार बिरेठाँटी, घोडेपानी, तातोपानी, लेते, कोवाङ, टुकुचे, मार्फा, जोमसोम हुँदै मुक्तिनाथसम्म पुग्नेछ । बोर्डको कार्यालयमा मंगलबार बोर्ड, नेपाल विद्युत् प्राधिकरण र होङ्सी सिमेन्ट परियोजनाका पदाधिकारीबीच आवश्यक विद्युत् प्रसारणलाइन निर्माणमा देखिएको समस्या समाधानका लागि छलफल भएको छ । सो छलफलमा प्राधिकरणका कायमुकायम कार्यकारी निर्देशक हितेन्द्रदेव शाक्यले आगामी जेठभित्र उक्त परियोजनाका लागि प्रसारणलाइन निर्माण गरी विद्युत् आपूर्ति हुने व्यवस्था मिलाउने प्रतिबद्धता व्यक्त गरेका छन् ।


क्याटेगोरी : breaking, समाचार

तपाईको प्रतिक्रिया