Techie IT
×
गृहपृष्ठसमाचारकरिब साढे दुई लाख कोरोना सङ्क्रमणमुक्त

करिब साढे दुई लाख कोरोना सङ्क्रमणमुक्त


काठमाडौं ।
बिहीबारसम्म नेपालमा कोभिड–१९ सङ्क्रमणमुक्त हुनेको सङ्ख्या दुई लाख ४० हजार ३ सय ६३ पुगेको छ । स्वास्थ्य तथा जनसङ्ख्या मन्त्रालयका अनुसार बिहीबार मात्रै ९ सय ४७ जना कोरोना भाइरस सङ्क्रमणमुक्त भएका छन् । पछिल्लो २४ घण्टामा छ हजार ५ सय ८८ जनाको परीक्षण गर्दा थप ७ सय ७६ जनामा कोरोना भाइरस सङ्क्रमण पुष्टि भएको छ । सोमा ४ सय ६८ पुरुष र ३ सय ८ महिला छन् । हाल देशभर सक्रिय सङ्क्रमितको सङ्ख्या नौ हजार ५ सय ८० छ । पछिल्लो २४ घण्टामा कोरोना भाइरस सङ्क्रमणका कारण छ जनाको मृत्युसँगै हालसम्म मृत्यु हुनेको सङ्ख्या १७ सय ४९ पुगेको छ ।

यस्तै, प्रदेश नं १ मा पछिल्लो २४ घण्टाको अवधिमा २ सय २३ जना सङ्क्रमित निको भएका छन् । निको हुनेमा होम आइसोलेसन र विभिन्न कोभिड अस्पतालमा रहेका सामाजिक विकास मन्त्रालयले जनाएको छ । हालसम्म निको हुनेको सङ्ख्या २४ हजार २ सय ४६ पुगेको छ । यसैगरी प्रदेशमा उक्त अवधिमा ४ सय ६७ जनाको पिसिआर परीक्षण गर्दा २४ महिला र २३ पुरुष गरी जम्मा ४७ जनामा कोरोना पोजेटिभ थपिएका छन् । थप हुनेमा मोरङमा १९ मध्ये विराटनगरमा १५, झापामा १५, सुनसरीमा ११, सङ्खुवासभा र प्रदेश बाहिर एक÷एक जना रहेको मन्त्रालयले जनाएको छ । यस प्रदेशमा कोरोना सङ्क्रमितको सङ्ख्या २९ हजार १८७ पुगेको छ ।



तपाईको प्रतिक्रिया