नमोबुद्ध इन्टरनेशनल मोडेल स्कुललाई अन्तर्राष्ट्रिय अवार्ड
काठमाडौँ ।
टोखा नगरपालिका–६ स्थित नमोबुद्ध इन्टरनेशनल मोडेल स्कुलले ‘उत्कृष्ट अन्तर्राष्ट्रिय विद्यालय अवार्ड’ प्राप्त गरेको छ । शिक्षा क्षेत्रमा काम गरिरहेका दुई संस्था इन्टरनेशनल सेन्टर फर एक्सिलेन्स इन एजुकेसन (इन्सिड) तथा सोसाइटी फर पर्मानेन्ट आर्ट, कल्चर एण्ड एजुकेसन (स्पेस)ले डिसेम्बर २० मा आयोजना गरेको अन्तर्राष्ट्रिय शिक्षा सम्मेलन र पुरस्कार कार्यक्रममा अवार्डको घोषणा गरिएको हो । भर्चुअल रुपमा भारतको नयाँ दिल्लीबाट सञ्चालित कार्यक्रममा नेपाल, भारत, फिलिपिन्स, नाइजेरिया, मलेसिया, इन्डोनेशिया, साउदी अरेबिया, मेक्सिको, थाइल्याण्डलगायत विश्वको ५० भन्दा बढी देशका २ सय ५० भन्दा संस्था तथा व्यक्तिको सहभागिता थियो ।
पोष्ट ‘कोभिडको समयमा जीवन र आजीविकाको लागि समग्र शिक्षा–अगाडिको बाटो’ विषयवस्तुमा आयोजित उक्त सम्मेलनमा ‘योग्य शैक्षिक संस्थाहरुका लागि विशिष्ट पुरस्कार’ भन्ने मूल नाराका साथ विभिन्न विधाका पुरस्कारहरु वितरण गरिएको थियो । कोभिड–१९ का कारण बन्द रहेको अवस्थामा पनि विद्यालय गरेको शैक्षिक गतिविधिलाई समेत आधार बनाई अवार्ड स्कुललाई प्रदान गरिएको हो । विद्यालयले भर्चुअल शिक्षण सिकाइ प्रक्रियामा अपनाएका शिक्षण पद्धतिहरु, श्रव्यदृश्य कक्षा, लिखित तथा मौखिक मूल्यांकन विधि, विद्यालयको भौतिक पूर्वाधार, स्कुलका उपलब्धि आदिलाई मूल्यांकनको आधार बनाइएको थियो ।
कार्यक्रममा नमोबुद्ध इन्टरनेशनल मोडेल स्कुलका संस्थापक प्रिन्सिपल ज्ञान बहादुर तामाङ र को–अर्डिनेटर सन्तोष खत्रीको सहभागिता थियो । अन्तर्राष्ट्रिय अवार्डले विद्यालयको शिक्षा गुणस्तरीय छ भन्ने कुरालाई प्रमाणित गरेको विद्यालय व्यवस्थापन समितिका अध्यक्ष राजकुमार लामाले बताए । शिक्षा क्षेत्रमा विगत दुई दशकभन्दा लामो समयदेखि सञ्चालित नमोबुद्ध इन्टरनेशनल मोडेल स्कुलले प्ले ग्रुपदेखि कक्षा १० सम्मको शिक्षा प्रदान गर्दै आएको छ । विद्यालयले आगामी शैक्षिक सत्रदेखि कक्षा १२ सम्मको शिक्षा प्रदान गर्ने तयारी गरिरहेको संस्थापक प्रिन्सिपल ज्ञान बहादुर तामाङले जानकारी दिए ।
क्याटेगोरी : समाचार
ताजा अपडेट
- सहकारीमा नीति नभएको कि मति नभएको ?
- दैनिक अर्बौँ घाटाको व्यापार
- स्टार्टअप उद्यम कर्जाका लागि तीन सय ९४ परियोजना छनौट
- ‘पर्यटन विकासका लागि सुविधा सम्पन्न यातायात अपरिहार्य’
- कानुनमा संशोधनप्रति निजी क्षेत्र सकारात्मक
- आँबुखैरेनी गाउँपालिकाद्वारा चीनको शाओशान सहरसँग सम्बन्ध स्थापना
- ‘नेपालले विश्व व्यापारमा अपेक्षित लाभ लिन सकेन’
- सूर्य नेपाल काठमाडौं ओपनको पहिलो दिन नगरकोटी शीर्षस्थानमा
धेरैले पढेको
- समसामयिक राजनीतिक व्यङ्ग्य
- राजेन्द्र विमल र हरिहर शर्मालाई पुरस्कृत गरिने
- ढोरपाटन जोड्ने सडक कालोपत्रे गरिँदै
- युनिश शाहीको गीत ‘धारिलो तिर˝ को भ्युज वान मिलियन नाघ्यो
- एक्सेल डेभलपमेन्ट बैंकको ट्राफिक प्रहरीलाई सहयोग
- चिया पसल पनि कम्पनी ?
- इन्फिनिटी लघुवित्तको सातै प्रदेशमा तालिम सम्पन्न
- नेकपा माओवादी केन्द्र कंचनपुर-काठमाडौ सम्पर्क समन्वय समितिको पाचौं भेला सम्पन्न
तपाईको प्रतिक्रिया