स्मल वल्र्डमार्फत ई–सेवा मनि ट्रान्सफरको सेवा थप २२ वटा देशहरूबाट सुरु

काठमाडौँ ।
ई–सेवा मनि ट्रान्सफर र ‘स्मलवल्र्ड’बीच रेमिट्यान्स् कारोबार गर्ने सम्झौता भएको छ । यो सेवा सुरु भएपछि अमेरिका, बेलायत, सेनजेन, ब्राजिलगरि २२ वटा देशहरूमा रहेका नेपालीहरूले ‘स्मलवल्र्ड’मार्फत नगद तथा कुनै पनि बैंक खातामा र ई–सेवा वालेटमा पैसा पठाउन सकिनेछ । नगदमा पठाइएको रकम नेपाल भर रहेका ई–सेवा मनि ट्रान्सफरका आठ हजारभन्दा एजेन्ट तथा ई–सेवा वालेट एपमा पनि प्राप्त गर्न सकिनेछ । त्यसैगरी बैंक खातामा पठाएइको रकम तत्कालै सेवाग्राहीको बैंक खातामा जम्मा हुनेछ ।

स्मल वल्र्ड ग्राहकहरूको भरपर्दाे र विश्वासिलो भुक्तानी सेवाप्रदायक, रेमिट्यान्स कम्पनी हो जसको सिद्धान्त विप्रेषण भुक्तानीको सेवा र माध्यमबाट विशाल संसारलाई सानो बनाउने रहेको छ । स्मलवल्र्डको विश्वभरि दुुई लाख ५० हजारभन्दा धेरै एजेन्ट सञ्जाल र आठ सयभन्दा बढी दक्ष जनशक्तिद्वारा वार्षिक एक करोड ५० लाखभन्दा वटाभन्दा बढी कारोबार गर्दछ ।

ई–सेवा मनि ट्रान्सफरले डिजिटल रेमिट्यान्स्का साथै एजेन्ट बेस रेमिट्यान्स सेवामार्पmत नेपालमा सेवा प्रदान गर्दै आइरहेको छ । हालको विषम परिस्थितिलाई मध्यनजर गर्दै डिजिटल माध्यमबाट रेमिट्यान्स पठाउँदा सुरक्षित, समयको बचत, आर्थिक फाइदा र प्राविधिक ज्ञानको अवसर मिलेको छ । ई–सेवा मनि ट्रान्सफरलाई विप्रेषणको विश्वबजारमा छुटै नाम, सेवा र प्रविधिको पूर्ण कम्पनीको रूपमा स्थापना गर्नु आफुहरूको उद्देश्य रहेको ई–सेवा मनि ट्रान्सफरका प्रबन्ध निर्देशक अजेश कोइरालाले जानकारी दिएका छन् ।