Techie IT
आजको आर्थिक दैनिक

Aarthik Dainik

An Economic Newsportal

गृहपृष्ठसमाचार२० अर्बको मौद्रिक उपकरण आज

२० अर्बको मौद्रिक उपकरण आज


काठमाडौं ।
नेपाल राष्ट्र बैंकले आज बिहीबार २० अर्ब रुपैयाँबराबरको निक्षेप संकलन उपकरण जारी गर्ने भएको छ । राष्ट्र बैंकका अनुसार आज अपराह्न २ बजेसम्ममा बोलकबोलको माध्यमद्वारा वाणिज्य बैंक, विकास बैंक र फाइनान्स कम्पनीहरुले खरिद गर्नसक्ने गरी उक्त परिमाणमा ऋणपत्र जारी गर्न लागिएको हो ।

परिपक्व हुुने अवधि २८ दिन तोकिएको यो निक्षेप उपकरणको सावाँ ब्याज भुक्तानी मिति २०७७ माघ १५ गते तोकिएको छ । निक्षेप उपकरण खरिदको लागि घटीमा पाँच करोड र बढीमा पाँच करोड रुपैयाँले भाग गर्दा निःशेष भाग जाने गरी कुुल आह्वान रकमसम्मको सीमा तोकिएको छ । राष्ट्र बैंकका अनुसार यसरी खरिद गरिएको उपकरण राष्ट्र बैंकबाहेकका बैंक तथा फाइनान्स कम्पनीहरुमा धितोको रुपमा समेत राख्न सकिनेछ ।

यसअघि यही पुस २ गते पनि राष्ट्र बैंकले ३० अर्ब रुपैयाँको निक्षेप संंकलन उपकरण गरेको थियो । परिपक्व हुुने अवधि २८ दिन तोकिएको उक्त उपकरणको सावाँ ब्याज भुक्तानी मिति अवधि भने २०७७ माघ १ गते तोकिएको छ ।


क्याटेगोरी : समाचार

तपाईको प्रतिक्रिया